» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي و الرميثي - 02/10/2014م - 1:27 ص | عدد القراء: 3732



    وصيه  إبذمتك  و  احفظها  يا  جابر...سلامي  من تشوفه اتوصله  للباقر

    للمسموم        هاي        أخباري...للمظلوم        هاي         أخباري

    وصيه   من   محمد   رحمة   الباري...سمعها   و   ابتسم  جابر   الأنصاري
    للباقر    يقله    تنقل    أخباري...اتكون    بزمانه   و   عصمته    حاضر

    قبلما  أودعك  و  يوصل  وعد  يومي...إخذ مني وصيتي و خفف  إهمومي
    من   تنظر   سميي   و   باقر  إعلومي...يجابر  نور  وجهه  ايكحل   الناظر

    باخلاقي   يذكرك   لمن   اتشوفه   ...إذا   شفته   بعد   ما  تقدر   اتعوفه
    متميز   ابعلمه   و   فضل   معروفه...بالإحسان   خصّه   الخالق   القادر

    ماخذ     بالعباده     سيرة     السجاد...ينعد    بزمانه    أفضل     العباد
    و  من  حسين  جده  أخذ  كلما  راد...بسالة  موقفه و قلبه الوفي الصابر

    قصة   كربله   و   كلما   جره   بيها...يجابر   من   تنشده  إلك   يرويها
    و   برابع   سنه   و   حاضر   ابواديها...من   صار   الموادع    ليلةالعاشر

    نهار العاشر اشصار و جره اعله حسين ...من داروا عليه أهل الغدر صوبين
    عضيده   اعله  النهر  امقطع  الجفين  ...ما  بين  الأعادي  الوحّده   حاير

    عين  اعله  الشريعه  و  عين  لخيامه...بعد  يا  هو اليحامي اعياله و  أيتامه
    و   الجيش   الهجم  برماحه  و  إسهامه...غادر  و  النذاله  شيمة   الغادر



    موقع القصائد الولائية © 2004 - 2013