» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر السيد سعيد الصافي الرميثي - 31/10/2014م - 12:45 م | عدد القراء: 1256



    زينب       تنادي      يحامي       الضعينه
    لأرض       المصايب       يخويه       لفينه
    خويه  عثرت  ناقتي...إبعيني لاجت  دمعتي

    يخويه    ابهالأرض   من   ناخت    إضعوني
    ما    أدري   إشدهاني   و   إنخطف   لوني
    و     بدمع    المصايب    هلت     إعيوني
    و   أحس  نار  الهضم  شبت  عله   إمتوني
    و    إعظامي    ترجف   يخويه    إشسداني
    غير     العذاب     إشيضم     لي    زماني
    ابقلبي تلهب حسرتي...إبعيني لاجت دمعتي

    بعدني       ابهيبتي       اوياكم       يخواني
    ناخت     ناقتي     و     إلتمت     أحزاني
    نزلت    اعله    الأرض   و   الهم    تولاني
    بين    أنقل    جدم    يعثر    جدم    ثاني
    الحاله       الدهتني       وولتني       رهيبه
    ما    بين    أخوتي    و    أحسن     غريبه
    جنها  لاحت غربتي...إبعيني لاجت  دمعتي

    من  هاي  الأرض  بجفوفي  أخذت   إتراب
    قلّبته      و      أحسنه     جمر      لهّاب
    يريد   أطفي   اللهيبه   إبدمعي    السجاب
    ما    يدري   الدمع   صبيته   يوم    الباب
    أمي    الزجيه    اويه    كسرت     ضلعها
    و    إعيوني    هلت    نظرها   و    دمعها
    ابليلي  طفوا  شمعتي...إبعيني لاجت  دمعتي

    هاي    الأرض   ليش   إبدمعي   عطشانه
    مو    بيها    الفرات    و    تجري    نهرانه
    هذا     السر     صعب    تفسير     تبيانه
    مو     بس    للدمع    عطشانه     لدمانه
    أرض      الشهاده      الجليل      إجتباها
    بس     دمنه     هوه    اليروي     ضماها
    من  تعنوها  إخوتي ...إبعيني لاجت  دمعتي

    قلبي    إحتار    لاجت    دمعتي    البلعين
    بعدني   إبجال   إخوتي   و   أصفق   الجفين
    عن   إسم  الأرض  يسأل  سمعت   حسين
    و    العسكر    أشوفه    إتجمع    الصوبين
    و       الغاضريه       سمعت       إبذكرها
    من     زغري     خاطر     عليَّ     خبرها
    بيها   أفقد  هيبتي...إبعيني  لاجت  دمعتي

    محزونة       قلب       عباس       شاهدني
    عليمن      هالحزن      يختي       يناشدني
    كافل       هيبتي       هوه       المعاهدني
    يفقدني     إبحنانه     و     عطفه    عودني
    شفتج      حزينه      ابسلامة      كفيلج
    خليه        يأمن        يزينب        دليلج
    أفدي  دونج  رقبتي...إبعيني لاجت  دمعتي

    منك     و    النعم    يا    راعي     المروه
    يا    نعم    الجفيل    و    خوتك     خوه
    مكتوب    الوعد    قبل   آدم   و    حوه
    لازم      كربله      من     دمنه      تتروه
    وصتني        أمي       البتوله       الزجيه
    و     إقبالي     لاحت     يخويه     الوصيه
    و  المصايب حصتي...إبعيني لاجت  دمعتي



    موقع القصائد الولائية © 2004 - 2013