» وشْهالعرس لَقشر عليّه يامسلمين  » طلعت سكينه تجذب الونّه خفيّه  » يالّذي اعله المشرعه ظلّت رميّه جثّته  » خجلانه اهواي...يا جاري الماي  » مشينه سوه الدرب...حفظناه عله القلب  » يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ  » تحياتي و سلامي...معَ كل إحترامي  » عجب يالناشدت ليش الدمع يجري  » سلام عالحره و أخوتها...كتاب ما يروي قصتها  » يا بو الأكبر نظل وفايه  

  
  • أضف الموضوع


  • الشاعر أبو حسنين الربيعي - 31/10/2014م - 12:49 م | عدد القراء: 1357



    جينه        وياك       ...عرفناك       ...جفيل        الغاضريه

    خويه   عباس   ينور   إعيوني   ...زينب   آنا  أم  الخدر   سموني
    مو  قلت  وكت  الشدد  ندبوني  ...ما  أريدنك  تعوف  إضعوني
    هاي     الضعون     ...    يريدون    ...أبو    الغيره     الحميه

    صحنه   تسلم  رايته  اللي  بيده  ...ما  نريد  الماي  هو   إنريده
    تدري  صعبه  إنرد لأهلنه إبعيده ...و موقف الكرار إنت  إتعيده
    موقف      الحيد      ...إله     إتعيد     ...تطبق      هالوصيه

    خويه  يا  عباس  راعي  المرجله  ...إنظر  الدمعة  إسكينه  الهامله
    من  طلعنه  إمن  المدينه  الكربله  ...جانت إبجالك يخويه  إمدلـله
    بين      الأجناب     ...متنهاب     ...مثل     أمها      الزجيه

    ما  درينه  العين  مصيوبه  إبسهم ...كلنه منتظرين جيتك  للخيم
    ندري ما تنسانه يا راعي الشيم ...طفله صاحت وين شيال العلم
    للخيم      عود      ...يبو      الجود      ...تصيح     الهاشميه

    اليخدم   العباس   من   هنياله   ...كل   سنه  إبعاشور   يتعناله
    يترك  أهله  و  ديرته  و أعماله ...إيحس أبو السجاد يمشي  إقباله
    يمشي        وياه        ...مينساه        ...إمام         الجعفريه

    ريت  كلنه  إنصير  للكافل  فده ...آنا زينب بالمصاب  إمواعده
    قلي  يا  هو اليوم عنك أنشده ...و آنا ما أريدن يشوفوني  العده
    إتشاهد   إعيون   ...   يشتمون   ...و   أخوج   إعله    الوطيه



    موقع القصائد الولائية © 2004 - 2013