» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 01/11/2014م - 11:10 م | عدد القراء: 43342



    لا        تنسه        الوصيه        إنسه         الأعذار
    يا        خويه        خدري        ابرقبتك         صار
    ستر       الفاطميات...و       احجاب       السموات
    ابرقبتك                                               صار

    يمر   طاري   الوفه   و  اتصير  مقياس...يميزان  المراجل
    و  لا  تسوه  السيوف ابغير عباس...يخيمه اعله  الثواجل
    إذا  وجهك  يزمهر صاحت الناس ...ارسلوا خبر  عاجل
    أشوف الحومه شاعر خويه لا باس ...ثغر سيفك  يساجل
    سيفك        من        تشهره        يركع        إبليس
    و       لا      تأتي      ابعرشها      اتجيك       بلقيس
    و    اتقول    الديانات    ...و    احجاب    السموات
    ابرقبتك                                               صار

    وسط  ميدان  روحي  تهذب اسيوف ...و إتقطع  دليلي
    أظن اعله الشريعه طاحت اجفوف ...و لا يرجع  كفيلي
    ها   عباس   وينك  قلبي  ملهوف...أجيلك  لو   تجيلي
    يا  خويه الخاطر اختك ارجع و شوف ...رقيه  تشتكيلي
    ساعه       و      لن      أشوفه      راجع       حسين
    رد       و       محني       ظهره       تدمع        العين
    كل    هاي    المعانات    ...و    احجاب    السموات
    ابرقبتك                                               صار

    أشوف  الدنيه  صفره  ابلون  الوجوه...و  العالم   مخالب
    كسر   ضلع  الزجيه  لا  تهيجوه  ...و  اتزيد   المتاعب
    عله  هالحال  شامت  لا  تورجوه...ألف  شامت يراقب
    يسامحني  كفيلي  و  آنا  أرجوه...أريد  أوصل و  أعاتب
    لو       صار       الظلام      و      بعدت       الخيل
    أقصد            للكفيل            بآخر            الليل
    دمعي    و    الجراحات    ...و   احجاب    السموات
    ابرقبتك                                               صار

    لا   تلمس  و  أحذرك  يا  هوه  الهاب...لتحرك   عباتي
    آنا   أم   الخدر  و  آنا  أم  الحجاب...معروفه   بصفاتي
    أريد  اويه  الكفلني  ساعة  اعتاب  ...أريد أعرف غلاتي
    أشوفه  ينجرح  بدموع  الأحباب  ...و  أذكره  بذكرياتي
    أركض    و    أمشي    و    اوقع    و   أنهض    اردود
    أنده         يا         كفيلي         وين          الوعود
    آني    اعتابي    آهات    ...و    احجاب     السموات
    ابرقبتك                                               صار

    ها عباس إجيت او عفت الأيتام ...عجب ما  استقبلتني
    أنا    وجهي   انصبغ   برماد   الخيام...أظنك   معرفتني
    يخويه   الصار   يقضه   لو  بالأحلام  ...غريبه   فارقتني
    و  لا  طبعك أصيح و عينك إتنام...و لا جنك  شفتني
    لو        عذرك        اعيونك        اخذ         العيون
    هاك        انظر        دموعي        شوف        المتون
    شتفيد     اعتذارات     ...و     احجاب     السموات
    ابرقبتك                                               صار

    و  لا  قصدي  أجرحك من إجيتك ...لجن غصبن عليه
    ألوذ   بشاربك  و  آنا  ابحميتك...و  لا  تنسه   الوصيه
    أخبرك   خويه   يا   ساعه   ارتجيتك...من  فزعوا  عليه
    يهز   الشامت   ايده   من   نخيتك...هاي   مأثره   بيه
    شوف        اسيوف        اميه        قّدر        الحال
    بيه         اشكم        علامه        تشده         البال
    مطبوعه      العلامات...و      احجاب       السموات
    ابرقبتك                                               صار

    جنت  مضرب  أمثال  و انت وياي...جنت آنا  العجيبه
    بعد   محد   يقول   أم   الخدر   هاي...يسموني   الغريبه
    مثل   دور   الرحه  دورات  دنياي...و  الراح   اشيجيبه
    عسن  متنه  يخويه  ابحسرة  الماي...و  لا  هاي  المصيبه
    واحد         شتم        أمي        وواحد         يقول
    عن        هاي        الغريبه        منهو         مسئول
    كل    نظراتي    حسرات   ...و   احجاب    السموات
    ابرقبتك                                               صار

    و  لا  أشقف  بيديه  من  يضربون...و  لا  بين   عذابي
    دخلها  اتطيح  ايديه  حته  المتون  ...و لا يوقع حجابي
    ينادوني   إخوتج   ما   يرجعون  ...و  لا  سمعوا   جوابي
    أحشمكم   يخوتي   ما   تفزعون...و  لا  جان   بحسابي
    و        اسياط        الشمر        توصل        للعظام
    لكن       ما      طحت      و      اعيون       جسام
    تبقه    ابقلبي    جلمات   ...و   احجاب    السموات
    ابرقبتك                                               صار

    يخويه   التسأل   اعليكم   شقلها  ...أجاوبها   ابسكوتي
    ناس   اتصيح  زينب  وين  أهلها  ...و  أعاتبكم   يخوتي
    إذا   قالوا   مشه  عنها  الكفلها  ...و  الله  أتمنه   موتي
    قبل إختك تصيح و تفزع إلها ...عجب تغفه اعله صوتي



    موقع القصائد الولائية © 2004 - 2013