أضف الموضوع
الشاعر السيد عبدالخالق المحنّه - 08/11/2014م - 11:23 م | عدد القراء: 6217
يالله نقصد كربله مشّايه
يالله قوموا نقصد الوادي الطفوف...حته لو صار الدرب عبوه و سيوف لو تشد إعيونه نبقه نشوف...نوصل العباس راعي الرايه
خل تشوف الناس زحف الرافضه...نسحق إخشوم التضد و المغرضه و الخزي و العار للي ما رضه...إحنه نوفي و الوعود إحجايه
يالله إيد بأيد و انشد العزم ...رضّع و أطفال نسوان و زلم حته بنيان التفرق ينهدم...نعتني و إجدامنه إمدمايه
يالله يهل المرجله شدوا الرحال...و النساء تأمنت عند الرجال شيعة الكرار ما تغدر محال...هم بس شيعة علي الوّفايه
يالله عوفوا إدياركم و إمشو إله ...هاي زينب ردت إويه العايله يالله صيحوا كربله يا كربله ...كربله صارت وسيله و غايه
هذي أصحاب المواكب رحبّت...يا هله و مية هله باللي إجت قدمت لحسين كلشي قدمت ...تعتذر من الضيوف إهوايه
من يطوف إعليك دربك لا تمل...إقصد الطف منحني و دمعك يهل من تشوف أطفال تتذكر طفل...هذا عبدالله إنحرم من مايه
يالله يا شبان يهل المرجله ...إنتو عند جسام إلكم منزله أسمع إبرمله تناديكم هله...إجفوفها إبدم هامته إمحنايه
يالقصدت الكربله روح بهواك ...روح لا تسمع هذاك ولا هذاك الحفاظ إعله الشعاير مبتغاك...بس عليك إسهامهم رمّايه
روح و إتعنه الذبيح بدمعتك ...خل تشوف الناصبيه رايتك روح جدد وي إمامك بيعتك...قله ما أخضع أبد لعدايه |
|