أضف الموضوع
الشاعر ناظم الحاشي - 09/11/2014م - 9:53 م | عدد القراء: 2214
يا وحي الأحزان بالعالم نزل و القصيده حسين و الطف مستهل
بحسين باقي الأمل...بحسين نور الأزل بالحناجر صوت يهتف يا شهيد و حبر بأقلام الشعر دم الوريد و المجالس رددت للطف نشيد و راس للتطبير بالغيره إشتعل
امنين أجيبن روح تتحّمل صبر عالغريب الطاح بسيوف الغدر ناس ثار اتريد للصار ببدر و ناس تتطلب ثار من يوم الجمل
مثل راس حسين ما شفنه و نشوف راس من الكرم ما رد السيوف ندري ناس الذبحته بيوم الطفوف كبّرت لله بس تعبد هُبل
ضد محمد حاربوا سبط الرسول و خيل داست صدر حاضنته البتول و نور أبو السجاد ثابت ما يزول مثل نور الشمس ثابت للأزل
يم مقام حسين ما يوصل مقام قلب شايل نار كل ذيج الخيام دمعه طاحت من طرف عين الإمام إتقول من سابع سمه و طايح جبل
جفّت الأقلام يم نحره الشريف و سال دمه و ثبّت الدين الحنيف حسين هالك كل قوي بسيف الضعيف و قمر للإسلام بالطف اكتمل
يظل صوت حسين حيَّ اعله الفلاح و راس صله اعله النبي بروس الرماح حسين باب المغفره و باب السماح و الأذان الكامل بخير العمل |
|