ضعن   الفواطم  يحسين  ...طب  كربله   حاديها من       اليسر       ردن       بنات       الهادي الطف    كربله    و    رجت    ابحنها     الوادي و     عالقبر     طاحت     زينب    و     إتنادي يحسين  من  كثر  إبجاي  ...  عيني نشف جاريها يبن     أمي     من     خليتك     اعله     الغبره دم     طبره    من    جسمك    يكت     ابطبره بالله       القتل       يحسين       هّين        أمره لاجن  يبو  اليمه  ليش  ...  لجفوفك   إمقطعيها الجمّال       قص      جفك      الخاتم       ناله و    الطمع    غره    و    هاي    سوء    أعماله لاجن         يخويه         اشرادت         الخياله يبن  أمي  لضلوعك  ليش  ... بالحافر  إمهشميها يحسين       ما       مسلم      يحن       الحالك سهم       المثلث       جره      من       دلالك يبن       أمي      أدري      بالسهم      جتالك و ذاك السهم مسجي إسموم ...و الجبدتك ماذيها ضامي      القلب     يحسين     ذبحوك      القوم ظليت       من       شرب       الميه       محروم من    الماي   هالصح   لك   غسل   يا   مظلوم لو   جثتك   يا  مظلوم  ...من  الدمه  إمغسليها يبن     أمي     ما     تقعد     إتشاهد      حالي إبجمر         المصايب         منمرد         دلالي زينب       أنا       المحد      يشوف       إخيالي عقب  الخدر  للشامات  ...  أمشي ابيسر  تاليها يحسين       يوم       اللي      مشه       حادينه إعله      المعركه     اعله     اجسومكم     مرينه ردنه       الموادع       ما      حصل       بيدينه يبن أمي و إقلوب القوم ... خوف و رحم ما  بيها يبن      أمي     ما     تدري     شنو      الآذانه و        شنهو       الآذانه       اللي        بجانه وقفتنه       بين       إيدين       إبن      مرجانه بحبال    من   إيد   الإيد   ...لطفالك    إمجتفيها و    اللي    جرح    قلبي    جرح    ما    يلتام الشام     آه     الشام     من     طبت    الشام الحال     الأرامل     من     أصد    و     الأيتام تكسر   الخاطر   و  بنار  ...قلبي  يهيج   إعليها