» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر زيد علي العبنّدي - 21/11/2014م - 10:50 م | عدد القراء: 2881



    يا  رحمان  يا  رحمان  ...يا  كاشف  هضم  كل  المصايب
    يا   رحمان   يا  رحمان  ...من  عمر  الدهر  نترجه   غايب

    يا      إلهي      البرايه      يا      دعانه      إبكل      أمر
    بالصبر     آمرتنه     و     إحنه     ما     عفنه      الصبر
    خير     الأعمال    إعرفنه    إعله    الفرج    لو     ننتظر
    و     إنتظرنه     و    قلبنه    من    الصبر    ينثر     جمر
    من   أزمان  من  أزمان...سهران  الجفن  و  الكل   تراقب

    نرفع     إجفوف     دعانه     إلك     يا    رب     البشر
    إعليك     يا     ربنه     نقسم    إحنه    بجفوف     القمر
    طالت      إسنين      صبرنه      حته     شيبنه      الدهر
    إنضحي      بالروح     فدوه     النظره     من      المنتظر
    جم   لهفان   جم   لهفان...  ينتظر  لاجن  إبدلاله  ذايب

    و     تمضي    بينه    الليالي    و    الأمل    ما     بنقطع
    نبقه      للثار     عطاشه     و     ما     يروينه      الدمع
    يمته      بالكون      نسمع      صرخة      الحق      ترتفع
    يا      لثار      الغريب      و     يا     لثارات      الضلع
    للعطشان   للعطشان...   ما   ينشف   أبد  دمع  النوايب

    يظهر     المهدي     و     إنصد     بيده     تخفق     رايته
    هاي      رايه      النطاها      القمر      قطعت       يمنته
    ذو      الفقار      إبيمينه      إيلوح      ساعة      صولته
    يقطع     إرقاب     عله    اللي    القوم    قطعوا    رقبته
    إعله العدوان إعله العدوان... يا ساعه يجي و يحشد كتايب

    المهدي    مذخور    ندري    و    إنت    للحق     ذاخره
    إيدك      إبيده     يا     رب     و     بجنودك      تنصره
    يصلب      اللي     تجسر     عله     إضلوع      الطاهره
    و     القطع     نحر     إبنها     المهدي    يقطع    منحره
    و   بالميدان   بالميدان...لا   شك  ينسفك  دم  النواصب

    الليله     نرفع     دعانه     إلك     يا     رب      السمه
    إنريد      بالمهدي      نشهد      دولة      الحق      قائمه
    نمشي       وياه       كلنه       القبر      أمه       فاطمه
    إهناك     للعتره     نبجي     و     هو    ينصب     مأتمه
    بالأشجان    بالأشجان...للزهره    تجي    كل    المواكب



    موقع القصائد الولائية © 2004 - 2013