» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر زيد علي العبنّدي - 24/11/2014م - 11:54 م | عدد القراء: 3211



    يا   عضيدي  هاك  إخذ  مني   هديه
    هذا    جاسم   هذا   عريس    المنيه
    للطف   مذخور...و   اشموعه   اتنور
    هذا    جاسم   هذا   عريس    المنيه

    إنت  توأم  روحي  و  آنا البيك  هايم
    و  ما  مثلنه  أم  الدهر  تنجب  توائم
    يا   حسين  الكربله  أهديك   جاسم
    مثلي  ريحانه  و  تفوح  بطيب   فاطم
    اتقاسم   اويايه   الحزن  يبن   الأكارم
    الهذا   يوم  اللي  انولد  سمّيته   قاسم
    تحفه  من  قلبي  و  لك أهديها بيدي
    لا   ترد   هاي   الهديه  يا   عضيدي
    بسمك   منذور...و   اشموعه    اتنور
    هذا    جاسم   هذا   عريس    المنيه

    هذا  عريس  الحزن  و  اتشوفه   يزهر
    ينسعد    قلبي    إذا    لجلك   تعفّر
    لو    تمّني    قلبي    و   اتقله    تخيّر
    ايجاوبك جاسم يطيح و يفدي الأكبر
    ريت  قبل  أبنك  علي  راسه   ايتطّبر
    مثل   أوراق   الورد   جسمه    ايتنّثر
    أُمنيه   عندي   و   أبوح  اليوم   بيها
    أرد    أشوفن   جثة   إبني    اموذريها
    كل   دمه   ايفور...و  اشموعه   اتنور
    هذا    جاسم   هذا   عريس    المنيه

    هذا  جاسم  و  آنا  لو  رايد  أوصفه
    بدر   لاجن  بالطفوف  أتمنه   خسفه
    لو   ردت   يحسين   للجاسم    تزفه
    ابغير   دم   نحره   أبد   لتحني   جفه
    و  هذا  ثوبي  اعليه  مثل  الجفن  لفه
    و    بزفافه    خلي    عماته     تحفه
    من   تزفه   خويه  زفه  اعله   المعارك
    خل  تحفه  القوم  و  الأزدي   يشارك
    يوقع    مطبور...و    اشموعه    اتنور
    هذا    جاسم   هذا   عريس    المنيه

    إي   و  حق  الأنزلك  رحمه  العبيده
    إنت  غالي  و  نصرتك أشرف  عقيده
    و  هذا  إبني  اوياك  أستشهد   أريده
    و  بنزيف  الدم  يحّني  راسه  و   إيده
    لا    تطوق   بالورد   يحسين    جيده
    ايطوقه  السيف  و يحز بالطف  وريده
    أحله    زفه   و   تنرسم    بالغاضريه
    من   يظل   إبني  عله  الغبره   ضحيه
    معرس    مغدور...و   اشموعه   اتنور
    هذا    جاسم   هذا   عريس    المنيه

    راضي   إبني   ابزفته   يصبح   ختامه
    الهذا  شوف  ابثغره  مرسومه  إبتسامه
    لا  تطش  ماي الورد خويه اعله هامه
    اعليه  ايطش  الجيش نبلاته و  سهامه
    ارد   اشوفه   امخضب  ابيوم   القيامه
    و  طبرة  الأزدي  على  راسه   علامه
    قلي   وصيت   و  أنا  رهن   الوصيه
    بويه   من   دم   النحر  حنيت   إديه
    يوقف   مسرور...و   اشموعه    اتنور
    هذا    جاسم   هذا   عريس    المنيه



    موقع القصائد الولائية © 2004 - 2013