أضف الموضوع
الشاعر زيد علي العبنّدي - 25/11/2014م - 8:57 م | عدد القراء: 1779
بارينه سبحانه...بالحومه حيّانه
الله و محمد و علي ...و حسين ويانه
الله يدري و محمد نبينه ...احنه بحسين أبو اليمه اهتدينه
يا سيوف الكفر وذرينه ...لا و ألف لا فلا نترك ولينه
و بحبه نتفانه ...بس هوا رجوانه
الله و محمد و علي ... و حسين ويانه
هذي ساحة نصرنه و اجينه ...للنجاه نعرف حسين السفينه
ندري للطف تجي بضعة نبينه ...ما نريد الا بس ترضه علينه
خل تقبل إدمانه ...و الزهره ترعانه
الله و محمد و علي ... و حسين ويانه
نعرف الحق بأبو اليمه تجسد ...و اليعوفه ابغربته هذا مرتد
تضحيتنه و دمانه اللي تشهد ...احنه من الأزل صفوة محمد
بالعتره وصانه ...ما عفنه قرآنه
الله و محمد و علي ... و حسين ويانه
إلنه تحله ابحربنه الصداره ...فزنه لو للسبط دمنه تجاره
إحنه ردنه البشاره البشاره ...من وصي الرسول و حامي جاره
هذا احنه أعوانه ...نتمنه رضوانه
الله و محمد و علي ... و حسين ويانه
نحمي حد الخيم و العقيله ...خل جثثنه تظل بالطف جديله
حسين أملنه و لا صح مثيله ...غير أبو اليمه ما عدنه وسيله
و ما غيره مولانه ...نرخص له دنيانه
الله و محمد و علي ... و حسين ويانه |
|
