ودعوني            العذابي             ودعوني يا        زماني        إبحسرتي         فارقوني من  يواسيني  ...و  دمعتي  إبعيني...ودعوني عاتبت     و     بدمعتي     أكتب     عتابي يا    زمن    ما    تنحمل    جمرة     مصابي من     يوصل     للمشو     جمرة     كتابي من     يقلهم     بالمرض     زايد      عذابي قمت   أحس  جف  اليتم  دق  إعله   بابي يتموني            إبسفرهم             يتموني قلبي     أسأله     و    يقلي    ما     يجوني من  يحاجيني  ...و  دمعتي  إبعيني...ودعوني القصد     للموت     يا    درب     اليرجعه وين     ألاقي     الهالزمن    من    اليضيعه ويَّ    كل    مغرب    أوج    إبيتي    شمعه و   أحجي  ويَّ  إضيوفهم  و  بعيني   دمعه و   صوت   عبدالله   الطفل  بالبيت  أسمعه قلبي     ذايب     عليهم     قلبي     ذايب طحت    بين   العله   و   إفراق    الحبايب ضاعت إسنيني ...و دمعتي إبعيني...ودعوني آه    يا   جرحي   و   ألم   روحي   العليله قلبي     بدروب     الحزن    ضيع     دليله دمعي    ما    بطل   عله   أحبابي    مسيله و    الليالي    إويه   الحزن   تصبح    طويله و   غير  صبري  و  الدمع  ما  ظل   وسيله إبقه      صابر      يقلبي     إبقه      صابر لابد      إيرد      الهله     كل      اليسافر إبصبري خليني ...و دمعتي  إبعيني...ودعوني يا     قلب    يشفه    إذا    فارق    طبيبه و    يا    حبيب    إيعيش   بموادع    حبيبه قلب     اليفارق    فلا    يسكت     نحيبه بويه      بنتك      لا      تخليها      غريبه بين     علتها    و    حزنها    و     المصيبه الليالي              تراويني              الليالي جم   حلم   بيكم   يمر   عذب  لي   حالي من  يصّحيني  ...و دمعتي  إبعيني...ودعوني آه    يا    حسرة   قهر   يشكيها    ضلعي و  أسكت  و  كلمة  عتب  يحجيها  دمعي ذايب    إبنار    البعد    و   الفرقه    شمعي أذكر   أهلي   و   بالدمع   للباري    أدعي حته  قلب  الصخر  ظل يبجي إعله  وضعي يا      إلهي      إبعبرتي      و       إنتظاري رد    لي   أهلي   و   طفي   الفرقه    ناري ناري  تجويني  ...و  دمعتي  إبعيني...ودعوني