أضف الموضوع
الشاعر ناظم الحاشي - 26/12/2014م - 1:32 ص | عدد القراء: 1666
صبر حسين و صبر أنصاره...يتجّسد هسه بزواره
صبر حسين اتجّسد بيهم...يخدامه حسين امسميهم
و القاع اتقبّل رجليهم...مشّايه ايداعون ابثاره
زوار حسين ابدمعتهم...ييدري العالم سر قوتهم
من غيرة حيدر غيرتهم ...يو ضربتهم ضربة فقّاره
محتار العالم وياهم...يمل منهم حته العاداهم
لجل حسين الحب خلاهم ...يواحدهم عابس بإصراره
رايتهم ظلت مرفوعه ...يابذيج الأيام الممنوعه
صرخه و عالظالم مسموعه...يسيف الما يرضه بزنجاره
بالدم لحسين اتعنوا له...يكل يوم أرواح يقدموا له
جم جثه ابجثه المجهوله ...يجم شيعي اتهجر من داره
تفجير الناصب ما ردهم...يو الموت أصبح واجب عدهم
زوار و تشعر واحدهم ...يربك لجل حسين إختاره
شيعه و ما نزلت رايتهم ...يو الطف عنوان العزتهم
لبيك حسين بصرختهم ...ييا صوت الثوره الجبّاره |
|
