أضف الموضوع
الشاعر ناظم الحاشي - 05/03/2015م - 10:24 م | عدد القراء: 1972
الباري يشهد فاطمه بمعروفها و زينت عرشه العظيم احروفها
يحميك حب فاطمه...ينجيك حب فاطمه
الباري يشهد عن خصال أم الكتاب ابعشر أصابع لو دعت يبدي الحساب و القيامه اتقوم و يحل العذاب هاي فاطم من تشيل اجفوفها
لو مشت فوق الأرض يمشي الحمام فوق أثرها يمسح آثار الجدام و من تريد اتطوف بيت الله الحرام الزهره توقف و الجدار يطوفها
الكعبه لو صلت لجل فاطم تقوم ايصوم حته الماي لو رادت تصوم الزهره خالقها العلي الحي القيوم من يشوف الحور راح ايشوفها
من سبائك ذهب عرش الله العظيم و بالحشر حبها الصراط المستقيم و احنه عدها اضيوف يا بنت الكريم بت كريم و ما تعوف اضيوفها
بالحشر تدخل عله الشيعي السرور يرتوي بكوثرها لو صار النشور بحر و الشيعه بشواطيها الطيور و النوارس ما تعوف اجروفها
ويل للعدتها من نار السعير خالفتها و خانت اوياها الضمير ويل للرفضت علي ايصير الأمير عادته و شهرت ابوجه اسيوفها
وين منها ايروح قاتلها اللعين الغصب حقها و قتل محسنها الجنين وين تنطي الوجه قلي المجرمين ابيوم روحك من جسدها اتعوفها |
|