أضف الموضوع
الشاعر حيدر الرميثي - 21/04/2015م - 2:07 ص | عدد القراء: 3163
يالمهدي يا يوم...بيه نجتمع يم دارك
ما يبقه مظلوم...كلنه نصير أنصارك
خلينه عند عينك ...يا المهدي و حسينك
سيف احنه بيمينك ...يالمنتظر
تلقانه و الزهره ...جيشك يمد جسره
امن الكوفه للبصره ...و فوق القمر
ننزف لك ادموم... جربنه و اطلب ثارك
ما يبقه مظلوم...كلنه نصير أنصارك
واحدنه بس حشمه ...خدام أبو اليمه
لو تنحني النجمه ...ما ينحني
فوق الشمس رايه ...علّقنه و الغايه
ما ننطي الحجايه ...و ما ننثني
يالمهدي الأنظار... تتطلع الآثارك
ما يبقه مظلوم...كلنه نصير أنصارك
لو أذّن و نسمع ...إسم الوصي و نخشع
رادونه بس نرفع...اسم الولي
عدنه اختلاف احنه...ما تلقه يشبهنه
بقطع الهوه عنه...نشتم علي
امسح هالغموم... سل يالولي فقارك
ما يبقه مظلوم...كلنه نصير أنصارك
بالغيره لو نعرق ...بينه منو اليندق
لو عالأرض نسحق ...تبجي الأرض
لو صحنه يا حيدر ...يا هو البعد يقدر
من عدنه تتحير...أهل البغض
قيم العدل قوم... نتنور بأفكارك
ما يبقه مظلوم...كلنه نصير أنصارك
الهذا الوكت زينب ...يالمهدي تتعذب
لسه الدمع ينصب ...يبن النبي
ما تطفه خيمتها...نشفها دمعتها
ظلت مصيبتها ...و صوت السبي
ما يبقه محروم ...نترقب الآثارك
ما يبقه مظلوم...كلنه نصير أنصارك |
|
