» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 11/05/2015م - 9:04 م | عدد القراء: 23005



    ضيفك      يحيدر...هالمسه      أم      المصيبه
    عاشت   غريبة   يا   علي...و   ماتت    غريبه
    و      اسياط     المتن...تشرح     يا      حزن

    يالتراب...دفنت  أحبابي  لي  و  ظلت  صورهم
    بالعيون...أموت   و   يلهج   إلساني   ابذكرهم
    و   الدموع...صدق   تحله  المدامع  يم   قبرهم
    لونهم...يرجعون      و     أراويهم      كسرهم
    يا    قلبي    نوح    الزينب...و   اذكر    بجيها
    رادت   تموت   اويه   الإخو...بس  مو  بيديها
    يا      قلب     اليحن...تشرح     يا      حزن

    يا    قلبي...دقول    اوادعة    اعله     الجفوني
    يروحون...و    لا    مره   يذكروني   و    يجوني
    مسافات...و    أنا   دمعة   ابدربهم    ضيعوني
    تمنيت...أموت     و     ما    أقولن     فارقوني
    يالله    يروحي    البت    علي...نحضر   دفنها
    آنا   أدري   يحضرها   علي...و   ينظر   حزنها
    و     ادموع     الجفن...تشرح     يا      حزن

    غريبة...جنازتها     و     لا    واحد     وصلها
    يحيدر...عجيبة     اتأخر     اعليها     الكفلها
    يعباس...إذا    رايد    تجيها    و   تحضر    إلها
    أويلاه...صعوبة     ابلايه     جفين      اتحملها
    رادت   تجيها   ابهالوكت...و   اتشوفك   الناس
    و    اعله    الخلايق   تفتخر...العدها    عباس
    لحظات       الدفن...تشرح       يا       حزن

    يحيدر...إجتك     زينب    و    إنظر     دمعها
    دعاين...متنها   و   إذكر   البضعة  و   ضلعها
    تخبرك...يحيدر    يا    مصاب    اللي    فجعها
    بالطفوف...تخبرك   من   شتم  أمها  و   دفعها
    يا    بو    الحمية    ابغيبتك...بالطف     ولوها
    صاحوا   اهضموا   أم   الخدر...قدام    أخوها
    و      الظلت     تون...تشرح     يا      حزن

    عله  النوق...إجه  فرض  الصلاة  و حان  وكته
    بلا   ماي...عليل   حسين   بويه  إحتار  شفته
    قلت   له...تيمم   فوق   راسي   بس   جرحته
    تيمم...لجن     مثل    الجمر    نزلت     دمعته
    من      الجدام      الهامتي...غطاني      التراب
    يا   بوية  تذبح  مهجتي...ضحكات   الأجناب
    روحي      التنسحن...تشرح      يا       حزن

    يبويه...إذا       تسأل       اجروح        البديَّه
    يضربون...بلا   رحمة   و   أشاقف   عن   رقيه
    و    الأيتام...يحيدر    كلهم    ايلوذون     بيه
    و   أحامي...و   جميع   اسياطهم  نزلت  عليه
    مرات    أحس    بسياطهم...تكسر     للعظام
    بس      الأشد     نظراتهم...ترميني      بسهام
    نظرات       الضغن...تشرح       يا      حزن

    يبويه...حوافر      خيلهم     تنشاف      حمره
    دمه حسين...صبغهن من ينسحكن فوق صدره
    تعنيت...لقيته     اموذر    و    مقطوع     نحره
    أعدهن...أصابع   تسعة  عنده  و  هنَّ   عشره
    من   دم   وريده   اللي  جره...وجهي   صبغته
    زينب      احفظي     عيلتي...صوته      سمعته
    يا      ليل      التجن...تشرح     يا      حزن

    صلاتي...  يبويه  من  جلوس  و  دمعي   يجري
    و  لا  ظل...بعد  لا  حيل  بيه  و  انت  تدري
    كفيلي...كسر  ظهري  يبويه  و  شوف  ظهري
    الشمر  ليش...قطع  نحر الحسين و عاف  نحري
    سيف    الذبح    نحر   اخوتي...بسما    ذبحني
    و    اللي    شتمني    اقبالهم...أكثر    جرحني
    من      يفزع     تظن...تشرح     يا      حزن



    موقع القصائد الولائية © 2004 - 2013