أضف الموضوع
الشاعر السيد عبدالخالق المحنّه - 05/06/2015م - 10:30 ص | عدد القراء: 17957
اتوجهت دعوه...الكل بني حوه اليستعصي داءه...بالطف شفاءه
كربله تدعو البشر من كل الأديان ها هنا تربة شفاء الكل الأبدان كل مرض مستعصي بيه احتار الإنسان حته للمجروح و الغارق بالأحزان تاخذ الوصفه...بأرقه مستشفه الضايع دواءه...بالطف شفاءه
كلشي مجاني فقط اقصدهم و زور و آنه أحلف لك أبد متعود مكسور اليجي معلول يرجع لهله مسرور المدير حسين و العباس دكتور اقصد و جربه...جسمك ايطيبه اليكثر بلاءه...بالطف شفاءه
المخيم خيمه تستقبل المرضه و المريض يجيه حبيب يقيس نبضه جاسم اليستقبل و اسمه يحفظه حته لو بوذي و يهودي ما يرفضه أي مرض بيكم...هوه يشفيكم عوف انتماءه...بالطف شفاءه
ما يسألونك أبد شنهو اعتقادك المهم مد ايدك و تاخذ مرادك عابس و جون و علي ايحضر ضمادك ابلحظه تشفه و سالم اتعود البلادك يربح اليحضر...و الله ما يخسر ياخذ براءه ...بالطف شفاءه
دعوة الإسلام هاي الغير الإسلام الغريب أوله و مفضّل عند الأكرام هذي مستشفه اختصاص الكل الآلام و الحبيب حسين هوه المشرف العام كلشي بإشرافه...كلها تتشافه اليصعب وباءه...بالطف شفاءه
و اللي ما ينجب طفل مجروح قلبه حاير و أيس طبيبه و قله صعبه يمشي للعباس و المدمع يصبه إي و حق زينب أخو زينب يطيبه يرجع و يحسب...جم طفل ينجب يخلص شقاءه...بالطف شفاءه
و الطبيب العمره ست أشهر أكيده جده وقع له الشهاده ابدم وريده و الطفل يم الطفل يحجي اليريده أي طفل معلول يتشافه اعله ايده كل طفل قله...علته سهله يترك بكاءه ...بالطف شفاءه
عدنه فوق التل عياده زينبيه الكل نساء العالم و مو عنصريه آلة التشخيص عد سكنه و رقيه اختصاص الكل مرض بنت الزجيه هيه كاف و نون...و العلاج ايكون اليصدق دعاءه ...بالطف شفاءه |
|