» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي - 06/06/2015م - 8:06 م | عدد القراء: 33271



    مو سهل جرح الإحساس...بُعدك ايشيّب الراس
    ليلة                  اوداع                  يعباس

    قصة     أحزان     و     دمع    عيني     كتبها
    قلبي     يم    زينب    مشه    ايواسي     قلبها
    ما      قدرت      الخيمة      العباس      أطبها
    بجانب    الخيمه    اقعدت    و    أسمع    عتبها
    اتقله  يا أغله الأحباب...اوادعك ايبجي  التراب
    ضاقت  بصدري  الأنفاس...ليلة  اوداع   يعباس

    لزمت     إيده    و    نادته    مجبوره     أعذرك
    كل   شي   هيّن   بس   إلي   يبجيني    هجرك
    يعني       باجر      بالمخيم      ما       أنظرك
    خويه   تسمح   لي   أريد   أغفه  اعله   صدرك
    يا  قمر  لمن  اتروح...أبقه  بس  دمعه و  اجروح
    ابيا   صبر  صبري  ينقاس...ليلة  اوداع   يعباس

    ما      تحمّل      ضمها     بجفوفه      السخيه
    من      البجي      غرّق      هشام      الهاشميه
    اتقله     خويه    اعله    ضلع    أمي     الزجيه
    كافي      تبجي     غاليه     ادموعك      عليه
    انت   بالغيره   معروف...أرد   أقبّل    هالجفوف
    اجفوفك   الطيبه   تنباس...ليلة  اوداع   يعباس

    ويلي    من    باجر    و   باجر   تنظر    العين
    ابلايه   راس   حسين   و   انت   ابلايه   جفين
    صوت    كسر    اضلوعه   يوصل    للصواوين
    بالحوافر      ليه      يرجع     ثوب      الحسين
    تغسل  ابنحره  الدموع...خنصره  إقبالي  مقطوع
    ابعشره   خياله   ينداس...ليلة   اوداع    يعباس

    آنا    أسكت    و    أترك   ادموعي    تحاجيك
    جلمه    عندي    خاف   أحجيها   و    أبجّيك
    لو    ضربني    الشمر   باجر   أعتب    اعليك
    أصعد   اعله   التل  زحف  و  بصوت   أناديك
    يا   ملاذ  السماوات...ابلا  خيم  تقبل   انبات
    وحدي  ما  عندي  حراس...ليلة  اوداع  يعباس

    الهاشميه     اسمي     ما     دام     انت      يمي
    و      بغيابك      زينب      المسبيه       اسمي
    خويه    من    طاري    اليسر    ينهار     عزمي
    ايجتفون    إيدي    و    يخضب    الناقه   دمي
    صعبه    يا    قرة    العين...وقفتي     بالدواوين
    عنك    اتناشد    الناس...ليلة   اوداع    يعباس



    موقع القصائد الولائية © 2004 - 2013