» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر وسام الشويلي - 06/06/2015م - 8:11 م | عدد القراء: 9102



    الكعبه   لبست   للحسين   احرامها...و  الشعاير  بالطفوف   أيامها

    حسين   عالكعبه  الإله  امشرفه...ايزور  عرش  الله  اليزوره   ابمعرفه
    بتضحياته   ابكربله   و   بموقفه...الناس  عرفت  دينها  و  إسلامها

    اليوم  بإسم  حسين عدنه التلبيه...الكعبه هوه ووجب حج  التضحيه
    دولة   الإسلام  بإسمه  باقيه...و  جف  أبو  فاضل  يخط   أحكامها

    جربت   العباس   زمزم  تنحسب...و  الضماير  منها  تتروه  العذب
    الرايه   آيه   و  للشعاير  تنكتب...ترتفع  و  العده  اتطيح  أعلامها

    الغيره  سبع  أشواط طافت عالحرم...و الشريعه الصفه و المروه  الخيم
    أبو  فاضل  يسعي  و  بجفه  العلم...يقول  زينب  من يصل  لخيامها

    ابمكه  بالتقصير  ينقص  الشعر...و  أبو  اليمه  ابكربله ايقص  النحر
    ابكربله  الشيطان إجه يرمي الحجر...عالحسين و بيده يرمي  إسهامها

    حجر  للشيطان  صابه  ابجبهته...و  السهم  عطشان يشرب  جبدته
    و  إجه  بسيفه  الشمر حج ابرقبته...و الخيول اعليه تدوس أجدامها

    الدين  راده  ايزيد  بالطف ينذبح...و أبو اليمه استقبل بنحره  الجرح
    فده  روحه  و  صار راسه اعله الرمح...يقره قرآن و يهدم  أصنامها

    حسين صان الكعبه بدموم النحر...و صار ثالث قبله تقصدها البشر
    دمه  أول  دم  عله  السيف  انتصر...اسمه  لو  مر  ترتجف   ظلامها



    موقع القصائد الولائية © 2004 - 2013