بالحشر يحسين آنا ابذمتك...و تدري ما عندي عمل بس  خدمتك يحسين         بيدي        الرايه...يحسين        انت         الغايه سيدي   اتأمل   ابعمري   المضه...ليل  و  نهار  بخدامتكم   قضه افتحت  عيني  اوياك يبن المرتضه ...اشما غفت عيني تفز  بمصيبتك بصفنتي   أتصفح   أيام   العمر...و   تدري  أيام  الطفوله   تنذكر آنا  غيرك  ما  عرفت  امن الزغر...بالمهد و اعيوني تبجي  الغربتك من  عرفتك  انت  للتايه  دليل...جيت  يم بابك يبو الأكبر  ذليل أصرخ ادخيلك يبن حامي الدخيل...و عفّرت خدي بترابة  عتبتك بين  موج  الدهر  مجهول المصير...سيدي و جيت بمقامك  أستجير اطلبت  من عندك إلك خادم أصير...رافع اجفوفي و أصد القبتك ناظري  بنظرة  أمل  يمك تصد...و قررت من باب صحنك ما أرد حته  تتقبلني مو خادم عبد...و قلبي قبل أجدامي طاف ابحضرتك و  انت يا من والدك قالع البوب...الجان يلبس ويه قمبر فرد  ثوب سيدي خجلان من كثر الذنوب...و آنا من اذنوبي لذت بشيمتك