ما   أعوفك  للحشر...ما   أعوفك لون   خط   الشعائر   صار   ممنوع إلك  أكتب قصيده ابفيض  الدموع و  أضم  اسمك ضمير ابين  الضلوع أجيلك  يا  عشق  طاهر و  مشروع لو   وقف  مية  شمر...ما   أعوفك رغم     بعد    و    جور     الأيام صحت  علّمني  حبك ما أطخ  هام تحديت   الظلم  و  الظلم  ما   دام أنا  امتعب  المشانق  وقت  الإعدام و   بمحبتك  منتصر...ما   أعوفك أنا    بقلبي   قريتك   مو    بالعيون و   أطوف  بمرقدك  رغم   اليلومون عله  اعناد  النواصب  و  اليكرهون أقلهم  هذا جسمي و خل  يفجرون أزحف   الحد   القبر...ما   أعوفك عله   اعناد  اليضدك  و   اليعاديك صحت لو ساوموني بروحي  أشريك اجيت  ابمجلسك  هالليله  أوافيك ركضت   بلهفة   العاشق    أناديك و انت أغله امن العمر...ما أعوفك صحت  لو  ما  أشوفك  انت  ذاتي أقول   امقصر  بصومي  و   صلاتي أريد    امن   الولاده   الحد    مماتي أريد     ابخدمتك     أفني    حياتي ربي   ينطيني   الأجر...ما   أعوفك لون  رادوني  أعوف  امحبتك اعداي أقلهم  ما  كو  غيرك  أمل   دنياي رغم   كل  المواقف  عايش   اوياي تره  ابشم  الهوه  ايشاركني  و الماي لجلك  أسحق عالجمر...ما  أعوفك أشوفك   مو  مثل  كل   اليشوفون يمدحونك   صفو   حته   اليكرهون إمام   التضحيه  و  كلهم   يعرفون أمير    اتنصبت    رغم    اليعادون انت  خجلت  الصبر...ما  أعوفك