أضف الموضوع
الشاعر علي البحراني - 31/08/2015م - 8:52 ص | عدد القراء: 7590
قصة نور...ست شهور...وبعاشور...نرويها
أصعب يوم...والمظلوم...شاف إدموم...نفديها
إذا سال وجرى دمي...يصير أصغر شهيد إسمي
ي عبدالله اشوفك طير شارد منكسر غصنه
إذا شلتك على أيدي كأني شايل الجنه
تعال إلصدر أبوك وقول ليش العبرة والونه
بعدما ظل اعز منك يغالي شنهو تتمنه
قرآنك الآلام...أربع صور وأيتام
سورة شمع...سورة دمع...سورة عطش وإسهام
ما ونيت... وأتمنيت... لو ضحيت... للعتره
يا مذبوح... فدوة الروح... دمي يروح... للسدره
ألّون بالدمه رسمي...يصير أصغر شهيد إسمي
الشهادة بجيدك أكتبها نبوة والسهم يقره
وأصد لعيونك أتأمل اشاهد فاطمة الزهره
أنا بنحري وسحق صدري أواسي اللطمة والعصره
وأريد بدورك تواسي محسنها العله الغبره
دمك جسر ينساب...للمحسن المنصاب
خلف الخيم...موضع ألم...مو جنه خلف الباب
بيني وبين...قوس البين...محسن وين...بسماره
يا الله...سهم الآه...أتلقاه...بآثاره
أضيّف بالنحر سهمي...يصير أصغر شهيد إسمي
يالماي الورد ينهل مناهل خدك الحاني
العطش لا تذكره واجعل فوق لسانك الساني
حسافة تروح يا اوليدي ورده بذمة الجاني
بعد عباس لو تسلم تصير الكافل الثاني
يالعازم إعله الموت... هذا المهد تابوت
أمر السمه...تجري الدمه...من منحرك ياقوت
ظلم اعداي...عفت الماي...افدي ادماي...والمنحر
وعدي وياك...ما انساك...جدي اهناك...ع الكوثر
ولا اشرب قبل عمي...يصير أصغر شهيد إسمي
إذا سهم الخصم صابك أبد لا تقطع اخشوعك
قبل ما تعرج بدمك خل معراجك دموعك
سامحني ي عبدالله من تتهشم اضلوعك
واذا يطفى وهج عمرك ترى ما تنطفي اشموعك
ما دامت المأساة... دمك يجف هيهات
وانت تظل...شمعة أمل...يا قاضي الحاجات
تبجي العين... لمصابين... آه يا حسين ومصابه
عندي اشهود... للموعود... حين ايعود... لأحبابه
أنا ونحري ودمع أمي . . يصير أصغر شهيد إسمي |
|
