» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر واثق العيساوي - 27/09/2015م - 11:29 م | عدد القراء: 1824



    علي  علي علي علي درب العدل منهج  حياته
    علي علي علي علي ابضحكة طفل تلقه أمنياته

    اجيت     و    مولدك    فرحه    و     سلامه
    شجاعة    و    معرفة    و    عزة   و    إمامه
    لهسه      ابمكه      من      عندك       علامه
    أثر     ما     ينمحي     و     طالت    سنينه
    كبرت    اويه    النبي    و    عمرك     قضيته
    بتت      بفراشه      و      بروحك      فديته
    تهد       دين      الصنم      دينك       بنيته
    اخوك      و      بالشدد      جفك      يعينه

    جذب      ليل      اليمر      عينك      تنامه
    تسافر      يا      علي      ابصهوة     ظلامه
    عله     امتونك     شلت     قوت      اليتامه
    و    خطوتك    كل    إذن   تسمع    صداها
    اليتامة       يا      علي      تنظر      خيالك
    تعرفك     من    تجي    و    تقصد     عيالك
    أمان        ابيمنتك       فرحه        بشمالك
    ظلام      و      بسمتك      تنثر      ضواها

    ميادين        الحرب        تحجي        ابمداره
    أثر     في     كل     جسد     تارك     فقاره
    اليموت     ابسيفه     ما    تحسب     خساره
    شرف     ضربة     علي     حته      الخصومه
    عجيب      اشيمتلك     قوة     و      بساله
    قصص    في    كل    حرب   صارت    محاله
    شجاع        البلحرب       يطلب        نزاله
    إذا        يمه        انهزم       محد        يلومه



    موقع القصائد الولائية © 2004 - 2013