» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر حسين العامري - 13/10/2015م - 1:31 ص | عدد القراء: 2541



    خادم  أظل  طول  العمر  ...ما أترك  حسين

    الخدمه    إتريد    خادم    يخدم     بإحساس
    كون    اللي    تخدمه    إتميزه   بين    الناس
    و   إحنه   حسين   عدنه   إبيا  بشر  ينقاس
    إذا     هو     اليخدمه    الضيغم     العباس
    و   بكربله   خادم  إله...  ما  أترك   حسين

    حته     الما    يشوف    إبهالزمان     إيشوف
    هاي    الخدمه    خلت    للنقاط    إحروف
    المنابر   محكمه   و   لطم  الصدور   إسيوف
    و    الدم    محاكم    و    العداله    إجفوف
    الحاكم  ضلع  يذرف دمع... ما أترك  حسين

    قانون    اللطم    و    الدوله    دمع   العين
    الشعار    البيها    ما    ننساك   لا    يحسين
    يا   عبد   الرضه   و   ظلت   بدالي   إسنين
    من    حمزه    الزغير    و    الفخر     ياسين
    لحن   الحزن  منبر  يون...  ما  أترك   حسين

    دوله    و   بيها   قاده   و   كلهم    الخدام
    و      اليصعد      وزير     إتعينه      الأيتام
    شرط     كون    اليفوز    إيهدم     الأصنام
    و    يحكم    للعداله    و   يحفظ   الإسلام
    دولة  علم  ضد  السهم...  ما  أترك  حسين

    اليخطه     نظام     الدوله    عدهم     راي
    مرفوض     السنه     ما     ينقبل     مشاي
    عدهم     مسأله     إتعجبت    آنه    إبهاي
    أغله   إمن   الذهب   عدهم   لقيت   الماي
    الصوت المشي تسمع دوي... ما أترك حسين



    موقع القصائد الولائية © 2004 - 2013