» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي - 17/10/2015م - 12:21 ص | عدد القراء: 3738



    من       تنسأل       زينب       وين...هذا      جوابك       يحسين
    حبيتنه      بدروب      الشام...إذا      تتعب      عالناقه       اتنام
    زينبٌ              آه...زينبٌ              آه...زينبٌ               آه

    سبيه  اعله  الهزل  و  انت  اعله  بالي...منو  اليمك بقه ابهاي  الليالي
    يعمري    و    أدري   تحتار   بجوابك...إذا   عني   يسألونك    يغالي
    أحلفك    يالوفي   ابداعة   الخوه...تقل   الهم   خذوها   عني    قوه
    تره  جف  القطع  بالسيف  نحري...شفت  صوته  ابمتن  زينب   تلوه
    قول      امنيت      زينب      هاي...ايذبحوها      رادت      وياي
    عقيلتنه       ابهاي      الأيام...إذا      تتعب      عالناقه       اتنام

    يخويه  من  الحبل  شفت  المنيه...انصبغ  ظهر  الإبل  من  دم   العليه
    اتعبت   من   السبي   صدقتني...نسو   إسمي   و   يسموني   السبيه
    رقيه   الغاليه   اشتسألني   عنها...تنام   و   من  تون  يهضمني   ونها
    اشكثر  شوق  برجل  بنتك  رقيه...يخويه  و  يابس  الدم  فوق  إذنها
    حته         رقيه         ابهالحال...جتفوها         مثلي        بحبال
    رقيه      من     دون     الأيتام...إذا     تتعب     عالناقه      اتنام

    يضامي  و  عيلتك  ظلت  ضمايه...و  ربيبات  الشرف طلعن  سبايه
    سكينه   بالدرب   سألتني   يحسين...عباتي   اتمزقت   عندج    عبايه
    الرباب  اتعذب  بقلبي  و  تفجعه...و  لا  أعرف  تلولي  مدري  تنعه
    تقله   يا   شمر  من  فوق  الرماح...ردت  راس  ابني  عبدالله   أرضعه
    و     العدها     مثلك     مذبوح...حقها     تموت     امن     النوح
    يخويه     و     الما    عدها    خيام...إذا    تتعب    عالناقه     اتنام

    أشد كل موقف اليجرح لي الإحساس...شفت بيد الشمر راية العباس
    يجرني  من  ايدي و يشتم الزجيه...و يقلي شوفي أخوج امهشم  الراس
    أضم  بصدري  نوحي  و أبجي سكته...عتابي اعله الغيور الضّيع اخته
    و  اسولف  ويه  راسه  اهنا  يعباس...سبوني و من شفت دمعه عذرته
    يا      كافلي      و      نور      العين...أتمنه      عندك      جفين
    دريت    اختك    يا    تاج    الهام...إذا    تتعب    عالناقه     اتنام

    حبيبي   يالعفت   أغله   حبيبه...غريب   و   زينبك   ظلت    غريبه
    لون بيدي يصح عفت الضعينه...و رجعت أدفن جثث أهلي  الخضيبه
    أنا   خوفي   إذا  الوادم  يدفنوك...يهيلون  الترب  حيل  و   يلجموك
    جسد عفتك يخويه و راسك اوياي...أقول اشلون وكت الدفن عرفوك
    مرت    اعله    فرقاك    اسبوع...وين    القبر    ما    كو     اشموع
    وديعتكم      يبن      الضرغام...إذا      تتعب      عالناقه      اتنام



    موقع القصائد الولائية © 2004 - 2013