أضف الموضوع
الشاعر كرار حسين الكربلائي - 17/10/2015م - 12:32 ص | عدد القراء: 2525
جنوني العابسي...احساسي حبيبي يا حسين
أراوي لك عشق...عباسي حبيبي يا حسين
عليك و عالخيام...على زينب سلام
أراوي لك عشق...عباسي حبيبي يا حسين
صليت إلك فرض الحزن...يا دمعه و يحبها الجفن
مثل الصلاة الواجبه...لازم عليك أبجي و أون
أجنني حبُ الحسين
يالواهب الأجلي نحر...ايلوموني لو راسي انطبر
لو قدمت لك منحري...ما وفي جفين القمر
أجنني حبُ الحسين
اعله مودي قّدمت رضيعك...حبيبي يا حسين
أبيعن عمري ما أبيعك...حبيبي يا حسين
إلك يبن الكرام...على زينب سلام
أراوي لك عشق...عباسي حبيبي يا حسين
شخصك إلهك ميّزه...شفنه العجايب بالعزه
من نطبخ اصخام الجدر...يخلق كرامه و معجزه
أجنني حبُ الحسين
بالطف يبن حامي الحمه...بخدودك اتراب و دمه
و آنا أخمش اخدودي إلك...هيج أرد أواسي فاطمه
أجنني حبُ الحسين
تدوس اعله الجمر رجليه...حبيبي يا حسين
أواسي لك رجل رقيه...حبيبي يا حسين
أظل سالم حرام...على زينب سلام
أراوي لك عشق...عباسي حبيبي يا حسين
قلبي اعله حبك يعتكف...ابهاي العبوديه أعترف
لجل التشيع يستمر...خليت زينب تنجتف
أجنني حبُ الحسين
يمضحي ليه بخنصرك...ما تكفي خدمة منبرك
بس قلي شنقدم الك...و انوافي قطعة منحرك
أجنني حبُ الحسين
تحقق لي طلب أريدك...حبيبي يا حسين
تسجل اسمي وي عبيدك...حبيبي يا حسين
أودي اويه الحمام...على زينب سلام
أراوي لك عشق...عباسي حبيبي يا حسين
خليني أهيم بعالمك...خليني أبجي بمآتمك
خليني انت اشما ردت...بس يبقه اسمي خادمك
أجنني حبُ الحسين
خليني شمعه و احترق...خليني أموت من العشق
يشرفني لو أصبح ترب...بجدام زاير أنسحق
أجنني حبُ الحسين
يروحي و يا أعز من روحي...حبيبي يا حسين
ترابك بلسم الجروحي...حبيبي يا حسين
إلك أهدي الغرام...على زينب سلام
أراوي لك عشق...عباسي حبيبي يا حسين
كلما أصلي أندعي...يا ربي اقبل هالسعي
عندي طلب يوم الحشر...تدعيني و أقرالك نعي
أجنني حبُ الحسين
أقرالك الحرق الخيم...أقرالك الراعي العلم
و أقره اعله عبدالله الطفل...لمن قطع نحره السهم
أجنني حبُ الحسين
اعله زينب أنعه و اليسرها...حبيبي يا حسين
سطر خد فاطمه السطرها...حبيبي يا حسين
و أقولن بالختام...على زينب سلام
أراوي لك عشق...عباسي حبيبي يا حسين |
|
