كربله    يعباس   أرض   الغياره أرض البطوله و الغياره  اطفوفك محروسه  تبقه  يا  شهم  بجفوفك و  الزاير أول ما يطبها  ايشوفك و  يقلك اوداعة علي ما  عوفك و  اليزورك مضمون ياخذ  بشاره يالعلمتنه    الرايه    ما    ننطيها هذي  شرفنه  و  بالنحر  نفديها توقع  ايدينه  و  بالسمه  انعليها إحنه ولد حامي الحمه و  نحميها و  اليضحي لحسين معموره داره هاي  الوسيعه أصغر من  ابهامك كل  السلاطين  انحنت   قدامك يا  بو المراجل من تشد  احزامك روس النواصب تنسحق بجدامك رايتك  بالآفاق  تنطي   الإشاره درس  الشهامه ابكربله ايدرسونه بس  الروافض  تفتهم   مضمونه و  اهوايه  رادوا  عنك  ايبعدونه رغم   المذابح   يمك   ايشوفونه ما  نعوفك  هيهات  آخر عباره سر   بدمانه  مو  سهل  تفسيره من  يا  فصيله و الطبيب  ابحيره زائد   حميه  و  رايه  زائد   غيره يعني  نقلهم  حيدر  و  لا  غيره يالتضد  الكرار  عمرك   خساره احجايه  عدنه ابحضرتك  نحجيها زينب  غريبه  و  الشمر رد  ليها لو   ما   تروح  الها  تره  يسبيها و  الغيره  انت  العلمتنه   اعليها ما  نشف  يعباس  دمع  اليساره يا   غيرة   الله   زينب    اتنادينه ظلت  غريبه  و  هالوضع  ياذينه احنه   الجنود  و  رايتك   بيدينه من  نوصل  الها  نلتقي   بمهدينه و  الحلم راعي الثار يشهر  فقاره