» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 05/11/2015م - 8:08 م | عدد القراء: 9221



    نظرة    عينك   تسبيحة   عشّاق...تقرب   تبعد   لعيونك    أشتاق

    ليل  و  كمرة  بعيونك  و  اغياب...و  آني ابدونك أبقه ابلا أحباب
    يوم  التبعد  أحسب  ألف  احساب...لمن  ترجع  تلقاني  اعله الباب
    بيني   و   بينك   ما   مقبول  افراق...تقرب  تبعد  لعيونك   أشتاق

    ها   يالغالي   سبحانه   الخلاك...تبعد   عني   تاخذ   روحي   اوياك
    لو   تنسه   أمك   أمك  ما  تنساك...جاسم  يبني  تذبحني   ابفرقاك
    يمه   اغيابك   حنظل   ما   ينضاق...تقرب   تبعد  لعيونك   أشتاق

    من   ما   أشوفك  أفتر  عالبيبان...قلبي  ايرفرف  من  أنظر   شبان
    ليلة   زفتك  حلمي  الآخر  جان...شمعة  عرسك  تضوي  للأكوان
    عيني   و  عينك  نظرات  و  أشواق...تقرب  تبعد  لعيونك   أشتاق

    يمه    اهدومك    وين    انوديهن...ليلي    انهاري    اتباوع     بيهن
    عطرك   لسه   موجود   اعليهن...من   أشتمهن   شوقي    ايناغيهن
    نمت   اوياهن   يخلص  ليلي  اشباق...تقرب  تبعد  لعيونك   أشتاق

    جنت أحسب لك تكبر و أفرح بيك...ليلة حنتك و اجفوفي اتحّنيك
    أشعر  كل  شي ظل يحسدني اعليك...أدعوا الباري يا جاسم يحميك
    حالي  اخلافك  صيحه  و  شق  ازياق...تقرب تبعد لعيونك  أشتاق

    بين   أصحابك   شفتك  أحلاهم...هسه  اتباوع  ما  تمشي   اوياهم
    و    بلا    وعيي    أتبع    ممشاهم...مرات    أوقع    لمن    ألقاهم
    رايح  يبني  و  آنا  اجروحي  اغماق...تقرب  تبعد  لعيونك   أشتاق

    ما  شفت  العيد  من  ساعة هجرك...ناس اتعيد و آنا أمشي  القبرك
    بيدي    الشمعه    تقعد   انتظرك...عمر   الورده   ذبحوك    بعطرك
    يمضيعني   سطرة   دهري   إلحاق...تقرب   تبعد   لعيونك    أشتاق

    يا  ما  و  يا ما أسهر لك و اتنام...و انظر وجهك و أغرق  بالأحلام
    لمسة   ايدك  تشفي  لي  الآلام...ليش  امن  ايدي  رايح  يا   جسام
    عاصف   هجرك  يمه  اينشف  ارياق...تقرب  تبعد  لعيونك  أشتاق



    موقع القصائد الولائية © 2004 - 2013