» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي - 08/11/2015م - 11:56 م | عدد القراء: 5834



    يجسام     ليلي     من     يجن...يجسام     قلبي     من      يحن
    يجسام     يلتم      الحزن

    يالنوّرت  بيتي  بجلالة  نورك...يا  غصني  اليفوح  الأمل   بعطورك
    يبني  و  سروري من أثر سرورك...لو يجرح اعتاب القلب  شعورك
    يناديك       حاير       القلب...يناديك      عيني       عالدرب
    يناديك   ترحل     ما     أظن

    يا جاسم ابوسط النظر ضمّيتك...و بجفني اليحرقه الدمع غطيّتك
    يوليدي  و بنبض القلب هزيتك...تكبر و أشوفن طولك  امتانيتك
    أناغيك     عيني     عالمهد...أناغيك     خوفي    امن     الحسد
    أناغيك    يا    أجمل     ابن

    يا  حلم اليناغي الجفن من يغفه...قلب السرور ابكل صباح  ايحفه
    و أحسب ليالي للفرح و الزفه...مدري الحلم مدري الزمن ما  وفّه
    بالاحلام      خلّصت      العمر...بالاحلام      تكبر      أنتظر
    بالأحلام   يالطولك   غصن

    يا  أم  ابنها  بالزمان  اتودعه...اواداع  المنيه  الما  بعد  بيه   رجعه
    فرحانة  معلوقة اعله جفي الشمعه...من عيني لمصابك تهل الدمعه
    و    الدموع    هالتركت    أثر...و   الدموع   ما   خلّت    نظر
    و    الدموع    تحرق   بالجفن

    من  يشتد  ابوكت المسه حنيني...يبجي الصخر يوليدي من  ونيني
    يا  ثمرة  ارباي  و  تعب سنيني...ما جنت أظن دامي النحر  تجيني
    يمذبوح      دلالي     انذبح...يمذبوح     دهري     ما      نصح
    يمذبوح   بسك   لا    تون

    بدرك  كمل  لا مو وكت غيابك...عشرينه ما واصل بعد  شبابك
    و  بليلة  البيها  انكتب  كتابك...أنصب يا جاسم مأتم  المصابك
    و   الآمال   راحت   من   رحت...و   الآمال  ذبحوها   صحت
    و   الآمال    تاليها     أمتحن



    موقع القصائد الولائية © 2004 - 2013