» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 24/11/2015م - 11:06 م | عدد القراء: 3407



    تشتري          الغالي         بحياتك...بحياتك
    أذّن         الموت         بصلاتك...بصلاتك
    قررت  تبني  صرح...و  انت  ساعه و  تنذبح
    يا       بو       طاهر...يا       بو       طاهر

    ها     يمسلم     حيرتك     بالكوفه      حيره
    و    الخصوم    النكرتك    ما    عدها   غيره
    و     اليطيح     ابشده     يتنّخه      العشيره
    امنين    اجيب    حسين   يحضر   يم    سفيره
    يالطحت         قرر         مصيرك...مصيرك
    ما    كو    بس    طوعه     نصيرك...نصيرك
    ما  إلك  ناصر يصح...و انت ساعه و  تنذبح
    يا       بو       طاهر...يا       بو       طاهر

    من      خذوك     امقيّد     الأبن      الدعيه
    و      الأمير      ايريدك      تأدي      التحيه
    ما     تسلم    و    انت    روحك     حيدريه
    قلت    له    بس    حسين    أميري    للمنيه
    نظرتك           نظرة            غياره...غياره
    دمك            ايشيّد             إماره...إماره
    شايل  الدنيه  جرح...و  انت  ساعه و  تنذبح
    يا       بو       طاهر...يا       بو       طاهر

    من     شفت    ذبّاحك    و    بتاره    بإيده
    حتماً     انت     اتذكرت     بنتك     حميده
    شوفت     أحبابك    بعد    صارت     بعيده
    اتشهد   و   سلم   عله   حسين  و   عضيده
    لازم           اتودع            إمامك...إمامك
    و      الهوه     ايوصل     سلامك...سلامك
    نظره من عالي السطح...و انت ساعه و تنذبح
    يا       بو       طاهر...يا       بو       طاهر

    انقطع     راسك     لجن     مشبوحه     عينه
    ظلت      اتعاين     على     درب      المدينه
    رد    يبن    عمي    الخلق    ما   ترضه   بينه
    كتبوا      أقبل      لكن     انداروا      علينه
    من      تجي      تلقه      العساكر...العساكر
    جسمك         اتقطعه         البواتر...البواتر
    خايف  ايموت الصبح...و انت ساعه و  تنذبح
    يا       بو       طاهر...يا       بو       طاهر

    تنتظر     جيتك     حميده     تحسب      إلها
    ساعه     لن     حسين    يا    عمي     يقلها
    يمسح    اعله    الراس    و    ادموعه    يهلها
    يا     حميده     ما     يرد     مسلم     يقلها
    سمعته     و     صاحت      هضيمه...هضيمه
    بويه             تتركني             يتيمه...يتيمه
    طفله  مكسورة جنح...و انت ساعه و  تنذبح
    يا       بو       طاهر...يا       بو       طاهر

    من     اجت     للكوفه    مجتوفات     ايديها
    عالهزل      و      الوادم      اتباوع      عليها
    تدري    حال    الطفله   لو   فقدت    وليها
    تبقه     تتلفت     و     لا     واحد     يجيها
    طفله           مشتاقه            لبوها...لبوها
    تشتكي         من          السبوها...السبوها
    تشعر  بوصلك  يشح...و انت ساعه و تنذبح
    يا       بو       طاهر...يا       بو       طاهر

    مسلم     و     أطفالك     انقللك     خبرهم
    باتوا      ببيت      الذي      ايدور      أثرهم
    من    شهر   سيفه   و   نوه   يقطع    نحرهم
    للنجف     من    خوفهم    شبحوا     نظرهم
    و         الأشد        من        المنيه...المنيه
    الينظر           الذبحت           أخيه...أخيه
    صوره  بعيونك  ملح...و  انت ساعه و تنذبح
    يا       بو       طاهر...يا       بو       طاهر



    موقع القصائد الولائية © 2004 - 2013