» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • وفاة الإمام الرضا عليه السلام
    الشاعر المرحوم الملا عطيه الجمري - 29/11/2015م - 10:12 م | عدد القراء: 5892



    اتـزَلْزَلَت  طوس  ابأَهلها  و غدت ضجّه بالعويل ... مـاجت الـسّبع العلا لمصيبته و عرش  الجليل

    يـا  قـلب  ذوب  و  تـفطّر  حزن  لمصاب  الرّضا  ...  قـطّع الـمأمون غـيله قـلبه ابـسمّه و  قـضا
    وكـت  مـوته  حـضَر  بـحْذاه الجواد و غمّضه ... امْن المدينه الطوس جا له و بالحزن جسمه نحيل

    غَـمَض  عـينه  و  اسبل  ايده وكت موته و مدّده ... و الـشّهيد حـسين وكـت الـموت محّد وسّده
    و  جـثّته  ظـلّت  عـلى  حـر  الـصّعيد  امجرّده  ...  امْـن  الـمخيّم  لـلحريبه شْـلون ما راح  العليل

    حـيف  ابـو  مـحمَّد قضا نحبه غريب ابغصّته ... وطـوس ضجّت له و لفى المأمون يسكب  دمعته
    و  حـول  بـيته  اجـتمعت  الشّيعه الشيل جنازته ... غـدت مـدهوشه تحن بالويل و الحزن  الطّويل

    و يوم فاضت روح ابو سكنه وعلى صدره شمر ... عـلى خـيامه الخيل دارت و انهتك ذاك الخدر
    و  الـحرم  سـلبوا  يـزرها  و  فـرّت  ابليّا  ستر  ...  غـدت  مـن قـلّة الـوالي ضـايعات ابلا  كفيل

    بَـرض  سـامرا  قـبور  اتـغيبت  بـيها  شموس  ...  مـن  سـمع  شمس  العوالم  تختفي ابطي  الرموس
    و  الـمصيبه  الـلي  افـجعتنا  بدرٍ اتغيّب ابْطوس... جـرّعه ابـن الـغادر السّم و اشتفى منّه  الغليل

    خـان  بـيه  ابـن  الـرّجس  و القلب منّه قطّعه ... امـن الـغدر حافي لفى له و شال نعشه و  شيّعه
    و  الـخلق  هـذا  يـلوج  و  ذاك  يـجري مـدمعه ... و هـذا يـلطم عـلى الهامه و الدّمع منّه  يسيل

    لـلـنّبي  حــقّ  الـرّساله  الـيوم  أدّت  أمّـته  ...  خـانت  اعـهوده  ابْغَدرها  و  جارت  عْلَى  عترته
    و  اصـبحت  مـن  غـير  سـايه  بالفيافي امشتّته ... هـذا هـالك بـالسّجون و ذاك مـن دمّه  غسيل



    موقع القصائد الولائية © 2004 - 2013