» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر المرحوم الملا عطيه الجمري
    20/12/2015م - 8:53 م | عدد القراء: 3828

    فاطمة الزهراء عليها السلام


    الـمشتكى لـله يَـبو الحسنين من فعل لَصحاب...رحـت انـخّيهم و حتّى مْن النّواخي القلب ذاب

    مَـدري تـدري يـا عـلي لو ما دريت بحالتي...رحـت انـخّي و لا شـفت واحـد يلبّي دعوتي
    و جـيت مـهضومه و تجري فوق خدّي دمعتي...دنـهض و طـالب ابـحقّي لـيش متوسّد تراب

    مَـنْته داحـي بـاب خـيبر مَنْته طاعون الزّلم...يـنّهب حـقّي و ضـلعي يـكسر و عندك علم
    لايـذه ابـظلّك يَـكَهف الـخايف شـلون انظلم...مَـنْته لـيث الله يَـحيدر جـيف تفرسك الذياب

    مـن شطَر مرحَب بْسيفه و من ردى بن عبد ود...و مـن جـلى ذيـج الكتايب عن الهادي يوم أحد
    تـنـظر بْـعينك عـليّه يـلْتوي سـوط الـعبد...طـايحه و تـسمع ونـيني يـا علي فوق لعتاب

    مـن زغـر سـنّك يبو الحسنين جيدوم الحَرُب...غـوث كـلمن يستغيث امن الشّرق و من الغرب
    شـالسّبب مَـتْغيثني و مَتْني اسود امن الضّرب...و الـجنين اتعفّر و خر غصب من عصرة الباب

    ويـن سـيفك مـا تـسلّه وين عزمك يا فحل...ويـن صـولاتك عـلى الفرسان يا خير العمل
    آه يَـحبل الله الـمتين اشـلون قـادوك ابْحبل...جذب حسره وصاح يم الحسن بس من هلعتاب

    هذا سيفي و ساعدي و عزمي يَبتْ خير الورى...لـو لـي رخـصه جان شفتي هلَوغاد امجزّره
    ولا أسـمـعج تـندبيني و الـضّلوع مـكسّره...هـاج عـزمي يـا بتوله و بالقلب شب التهاب

    تـعرفيني مـا تـرد عـزمي جـنود امـجنّده...و سـيفي ابـحدّه الـمنايا تـلوح كـلما اجردّه
    لـكـن ابـقـيد الـوصـيّه هـلزنود مـقيّده...بـالصّبر موصي عليّه المصطفى عالي الجناب

    ظـل يـناشدها و تـجري فـوق خـدّه دمعته...و شـهالعصابه يَـبنت الـمصطفى و ريحانته
    قـالت الـطّاغي لـطَم خدّي و عماني بلطمته...و نـحل جسمي بنبتة المسمار يا ليث الحراب



    موقع القصائد الولائية © 2004 - 2013