» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر ناظم الحاشي
    22/12/2015م - 11:53 م | عدد القراء: 1377

    فاطمة الزهراء عليها السلام


    يا خيبر جاوبهم ...عن موقف صاحبهم

    و بنار الجهل...يا باب اشتعل

     

    اشهد الهم و انت قلهم يا هو عافك و انهزم

    عاف بابك و إجه البابي بيده باب الله انهدم

    كسر ضلعي نزل دمعي منه محسن ما سلم

    ما بريته و لا عفيته مات مشكول الذمم

    مظلومه من زغري...يشهد لي يا صبري

    و بدار الفحل...يا باب اشتعل

     

    وقف ضدي حارباني و قال ما تورث أبد

    و أبد ما جن آني كوثر قل هوَ اللهُ أحد

    هذا حقده و جاهليته خلته ايخون العهد

    يا خليفة البلسقيفة ضدي بالباطل شهد

    خلاني بأحزاني...حاربني و عاداني

    ضد خير العمل...يا باب اشتعل

     

    خاطبيته و قلت له باطل انت خالفت الشرع

    خنت دينك و برسولك غرتك دنيه الطمع

    شنهي عذرك من محمد من تجي بهاي البدع

    سمع و أعرف من سمعني جنه ما شاف و سمع

    أفعاله المشهوده...و أحقاده المعهوده

    حقد أم الجمل...يا باب اشتعل

     

    يدري بيه بت محمد لبوة الحر الولي

    من أنادي يا علي أظهر يقلب الدنيه علي

    لو نخيته و صحت وينك بإسمك الهم ينجلي

    يا كفيلي الما له كافل و النعم من كافلي

    يا دمعة أيتامي...يا قصة آلالامي

    ما تقبل جدل...يا باب اشتعل

     

    نار حقده بباب داري باقية الهذا الزمن

    نار تسري ابلا هواده شيعتك يا بو الحسن

    شوف منهم جم موالي مثلي مظلوم اندفن

    اوياهم أطلب يا إلهي نلتقي بجنة عدن

    حبوني نصروني...يا حيدر والوني

    شهدوا للأزل...يا باب اشتعل

     

    ذاك نفسه الشال سوطه رادني ابسوط أنضرب

    هسه أشوفه ابوجه ثاني يشعل بنار الحرب

    مثل حقي الشيعة أشوفن رجع حقهم ينغصب

    قبل دمي و هسه دمهم للنواصب ينطلب

    و إدماهم هدروها ...و أسراهم ذبحوها

    ما عدهم زلزل...يا باب اشتعل

     

    ناري تطفه ثاري يرجع لو ظهر راعي الأمر

    كل فتنهم كل حقدهم تنتهي و ينهي الغدر

    و النواصب خلي تسمع جايهم مهدي العصر

    قرب يومه يوم ثاري و انحسم يوم النصر

    يفنيهم من يظهر...و يحاسب كل منكر

    لو صار الأجل...يا باب اشتعل

     

    دم شبابي السال بالطف سال هاليوم و نزف

    مو اقبور اورود منهم خضّرة قاع النجف

    يا علي اشهد ذوله لجلك طاحو و لجل الشرف

    حقد أميه الجان ضدي ضدهم اليوم انكشف

    من تطلب شاهدهم...يم حيدر موعدهم

    يم نور الأمل...يا باب اشتعل



    موقع القصائد الولائية © 2004 - 2013