حضّري الدمعه و تعالي ابجيها...زينب اتودع الحسن واليها

افتح عيونك جرح و اجري الدمع...خلي احساسك يعيش اويه الوضع

اليوم زينب جنها مكسورة ضلع...امصاب أخوها المجتبه حانيها

آه يزينب اشراواها الزمن...ندري عندها الفرح ميت و اندفن

قلب زينب هذا لو جبد الحسن...ذّوبه السم يا مصاب احجيها

اقبال أخوها الحسن زينب قاعده...يلفظ أنفاسه الأخيرة اتشاهده

ثقلت الونه و الموادع بده...عفيه زينب روحها اشظل بيها

حسين ناده الحسن ها خويه اشردت...أشر بإيده القصد شيل الطشت

زينب أم الحزن قالت له شفت...جبدتك يا خويه لا تخفيها

مره يفتح جفن مره ايسد جفن...اهوايه بيه ونه لجن بطّل يون

ما يريد ايكّثر الزينب حزن...يجر قوه النفس و يحاجيها

زينب آخر كلمة بلسانه لفظ...لزم جف عباس وي آخر نبض

ابجفنه آخر دمعه لحسين و غمض...سلمت روحه الأمر باريها

زينب اتنادي عساني ميته...لا أشوف امحضرين اجنازته

اوداعة الله يبو محمد نادته...شم لي أمي من تمر اعليها

قلب زينب صابته اسهام الألم...نعش أخوها شيعوه بشجم سهم

ويلي عالمسموم جم مره انظلم...ويلي يا زينب عله تاليها

زينب اعله الحسن ظلت معوله...لكن الأعظم مصيبة كربله

تمدلـله و ما تظل دوم امدلـله...الخدر يمشي اويه التكفل بيها