» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنه
    22/02/2016م - 11:20 م | عدد القراء: 7675

    السيد عبد الخالق المحنة


    يدري المشه لو ما دره...ما أنسه حته أتذكره

    كون الله هذا اشمكبره...بعيوني صاير مقبره

     

    شط الصبر صابه الضمه شاف الدمع جاري...و اتوسل أعباري...ما تدري لو داري

    مو انت أغله من النفس يالعايف اعزازك...مثل الهوه أعتازك...بس آني جنّازك

    من هود الليل و سكن لمن غفه الضدك...يالمنصطر خدك...وسدتك بلحدك

    من يندفن عرش الوفه...يعني عله الدنيه الوفه

    كلشي الأشوفه اعله الثره...بعيوني صاير مقبره

     

    بالظلمة شيّعت القمر و اندفنت الكَمره...صار الدرب عثره...من غابت الزهره

    آني علي الما أنحمل يشيل الجبل جفي...من انحملت ولفي...ليش انهدل جتفي

    و آني الكسر ظهر الزلم وسفه انكسر ظهري...و اتحيرت بأمري...و الله اكرهت عمري

    ما تسوه ابلا ضوه...يالماخذ اوياك الهوه

    من عقبك العالم تره...بعيوني صاير مقبره

     

    آني القلع باب الحصن ليش انقلع بابي...و اتمزق اكتابي...يا قلت أصحابي

    و آنا الطفه نار الفتن كلما يشبوها...تاليها جابوها...و الداري حرقوها

    من مثلي يصبر هالصبر و العايل ايجيده...من يكتل اوليده...سيف الله تحت إيده

    ما جني حماي الحمه...و اقبالي هضموا فاطمه

    مو حقي أنحب يا تره...بعيوني صاير مقبره

     

    اكتب يتاريخ الأمم بت سيد الأمه...دفنوها بالظلمه...يا هضمة الهضمه

    و اكتب علي انقاد ابحبل فقّاره بيمينه...و اعله الأهل عينه...كلها لجل دينه

    ينظر حرمته ابهالوضع...مكسورة الخاطر...و يفكر بباجر...هذا الفلا صاير

    ما ينحمل هذا الأمر...من فاطمه شنهو العذر

    أبجي و أصيح المعذره...بعيوني صاير مقبره

     

    عرفوا وصية المصطفه ما ينشهر سيفي...لو جانت ابكيفي...آخذ ضعف حيفي

    من وافقت جان الشرط من تنهضم يمي...لا تندب بإسمي...قلها يبن عمي

    و الزهره لو صاحت علي واجب أحاميها...و الدنيه أخليها...سافلها عاليها

    عقب المشه كلشي انتهه...محد حجه محد نهه

    هذا الزمان اشغيره...بعيوني صاير مقبره

     

    يالتنشد اعله أم الحسن وياكم اتقلكم...أحضر مجالسكم...و آني الأسجلكم

    موجودة هيه ابكل عزه و البلمصاب ايحس...يلقاها بالمجلس...يم البجه تجلس

    و اتقله واسيني ابدمع آني اللي هضموني...و بوجهي سطروني...يا شيعة واسوني

    تلقوني يم عقد الوله...يم البقيع و كربله

    بالشام الية اميسره...بعيوني صاير مقبره

     

    واسوني وشعدكم دمع لا تنشف العبره...للمنقطع نحره...للداسوا ابصدره

    واسوني يم المشرعة يم الوفه اوعوده...و القطعوا ازنوده...تلقوني موجوده

    لو شفتوا نار اتذكروا نار الخيم تلهب...و اعيالي تتسلب...و ابلا ولي زينب

    ما شفنه راحة ابهالعمر...و ابكل أرض عدنه قبر

    من أوله و الآخره...بعيوني صاير مقبره 



    موقع القصائد الولائية © 2004 - 2013