يا وجيهةً عندَ الله...اشفعي لنا عندَ الله

شرط اليخدمج فاطمه يكتب لج ابدمع...كلما تمر امصيبتج يم باله ينفجع

صورة ابعزائج ما نحط بس صورة الضلع...و نتوسل و صوت الحزن بالعبرة يرتفع

محلاها بسمج ونتي كلما عليج أون...مر الحزن لكن عليج أستطعم الحزن

فتنة إذا صار العشق خلوني منفتن...و أقبل إذا حبج سجن كل عمر أنسجن

اتفاخر و صوت الشرف من عندي يعتلي...آنا برعاية فاطمه و امجلب بعلي

أهل الهوه تقول الهوه للحب الأولي...و بعالم الذر و صحت بس حيدر الولي

آني اشتريت محبتج بالغالي فاطمه...لا مو دمه بشرياني حب و مبلل ابدمه

لو ضامي و أدخل مجلسج ما أشعر ابضمه...ما جني واقف عالأرض لا واصل السمه

من الج خادم صرت شفت الدرب عجب...لو صحت اسمج عالتراب اتحول الذهب

هذا الغرام امن الزغر يا فاطمه انكتب...ما دورت سر العشق لا أعرف السبب