» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي السقاي
    23/04/2016م - 12:06 ص | عدد القراء: 43949

    علي السقاي


    يا بو فاضل خليني هاليوم أشوفك

    يا بو فاضل بس لا تجي بلا جفوفك

    حفروا خوية قبري...تدري لو متدري

     

    يا خو زينب زينب آنا الجنت بسماها قمر

    عيشتني بغربة وحدك و أنتظر أمر القدر

    تدري وافتني المنية قبري هاليوم انحفر

    اشعطلك عباس عني خاف ما عندي خبر

    و بغربتي أنتظرك ابكل حنيني

    و بغربتي يا كافلي ما تجيني

    بالهم أقضي عمري...تدري لو متدري

     

    آنا يا خويه الندبتك و ادري صوتي تسمعه

    من سقط منك علمنه و من طحت عالمشرعه

    أدري توفي لي دمعتي هذا حقي اترجعه

    انت تندبني بوفاتي جفنك ايهل مدمعه

    خويه وينك من صدرك اشلع سهامك

    خويه وينك هد مهرك و شد لثامك

    الجيتك ناري تسري...تدري لو متدري

     

    يالقلت لي سامحيني و آنا قلت امسامحه

    و اتركتني للمصايب و البجي و النايحه

    اليوم إذا ما تعتنيني تره احساسي تجرحه

    عالقبر سمّعني صوتك و انت تقره الفاتحه

    و بونينك قول السلام اعله زينب

    و بونينك سلم اعله قلبي التعذب

    القلبي يبجي صبري...تدري لو متدري

     

    الماي قلت لك ما أريده خويه و اشكر خدمتك

    أدري من يوم العذرتك و انت حسرة بمهجتك

    اجنازتي هاي و أطلبك إلها تترس جربتك

    من الفرات ايصير غسلي و الجفن من رايتك

    اليوم أريدك تنطي و توفي بوعودك

    اليوم أريدك لا ما يمنعنك عمودك

    و انت بموتي ذخري...تدري لو متدري

     

    لا تجيني ابلا جفوفك بعد ما بيه صبر

    من تجهّزني الحفرتي انزل اويايه القبر

    هونك اعله امتوني خويه اشسوت اسياط الزجر

    و خدي الأيمن من توسده بيه أثر جف الشمر

    هذا حالي يا كافلي من سبوني

    هذا حالي ابضرب العده يكلموني

    و ازرق لسه ظهري...تدري لو متدري

     

    الكربلاء حسين روحي اوياك اخذها امسافره

    كون أخلي الجسمي ذكره من قبل ما أهجره

    خويه خلي لي اعله خدي تربة من ذاك الثره

    بس شرط بيها دماءه و بيها ريحت منحره

    ما نسيته نحره اللي يتفايض ابدم

    ما نسيته و لا صدره ذاك التهشم

    ريت ابداله صدري...تدري لو متدري

     

    إخذ روحي و طوف بيها الكربله اشقد هايمه

    خل ازور حسين أخويه و بوريده ألثمه

    صوت عبدالله أسمعه جّنه يبجي من الضمه

    عمه يالأكبر اقله الجثة ليش امخذمة

    و بمصابي أوقف عله التل و أنادي

    و بمصابي أذكر هجوم الأعادي

    عقبك وينه خدري...تدري لو متدري



    موقع القصائد الولائية © 2004 - 2013