» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حيدر الخفاجي
    29/05/2016م - 9:49 م | عدد القراء: 5848

    الحاج ملا باسم الكربلائي2


    عاش من شافك...يبويه

    مات من عافك...يبويه

    ميّتة اخلافك...يبويه

     

    كلما نام أحلم بيك شابقني

    و أفز و ألقاك رايح يالمفارقني

    بعد عيناك أريد الموت صّدقني

    الهوه الما بيه عطرك بويه يخنقني

    لا يمر حلمي...يبويه

    و انت يمي...يبويه

    و القلب طافك...يبويه

     

    أنا اشتاقيت أشوفك و أغفه بحساسك

    كلك ردتك و ما ردت بس راسك

    أحاجي الراس بلكي ايرجع أنفاسك

    و أشوف اشسوه شمر بأهلك و ناسك

    عاين اشلوني...يبويه

    امورمه امتوني...يبويه

    تنجرح خافك...يبويه

     

    ما قلك يبويه اشحالي من دونك

    سولفلي بالأول انت اللي اشلونك

    يبويه و ليش دم جامد عله اعيونك

    قلي اشصار ليش امكسره اسنونك

    شيبك امخضب...يبويه

    شعرك امترب...يبويه

    ذابلة اشفافك...يبويه

     

    قصتك ليش تنزف ما طبت بعدك

    يبويه و ليش طبع الحافر ابخدك

    غير اجروح سولفلي اشبعد عندك

    حته آنا اويه زينب نقعد انضمدك

    ابحاجبك طبرة...يبويه

    و رقبتك حمرة...يبويه

    امغيره أوصافك...يبويه

     

    بس الراس يا بو اليمه مو كافي

    أريد أغفه يبويه ابحضنك الدافي

    تعال و شيل راسي العلترب غافي

    و أراويلك السوط اشسوه بجتافي

    يالنزف دمك...يبويه

    بكربله جسمك...يبويه

    و الثره إلحافك...يبويه

     

    يبويه من أشبق الراس و أبوس اشفاه

    أون و أشعر الراس يقول واويلاه

    أحس الموت فوقي ايحوم يا الله

    لو يرجع ابويه لو أروح اوياه

    أرجع بصفك...يبويه

    و أغرق بعطفك...يبويه

    و أغفه بجتافك...يبويه

     

    رقية آنا يبويه الحايره بدنياي

    شفت عزريل من اشبقت راسك جاي

    قلت له اتريض أرد آخذ لي حاجه اوياي

    أريد آخذ لبويه الضامي جربة ماي

    موتي لو رد لك...يبويه

    دمعتي اتقلك...يبويه

    ضاعت ألطافك...يبويه



    موقع القصائد الولائية © 2004 - 2013