» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر رحيم أبو عليوي الكاظمي
    01/06/2016م - 8:45 م | عدد القراء: 5309

    الملا باسم الكربلائي


    الخالق بإبداعه صوّر...هالعوالم إلنه

    كربلاءك يبو الأكبر...جنة و احله جنة

    العجب منها يعتجب...سحر لعيون المحب

    جنة و أحله جنة

     

    كربله عين الله صارت إلها غايات...و بحسنها من نشاهد هالكرامات

    فوق أرضها رسم دمك أسمه لوحات...هيه جنة ما مثلها بالسموات

    نسمة الإيمان هبّت...من عذب تربها

    صحوة الوجدان كتب...تملحمة بدربها

    من الأرض ما تنحسب...سحر لعيون المحب

    جنة و أحله جنة

     

    أرض وحشة قبل جانت عنها يقلون...حين دمك سال بيها فاقت الكون

    ترب قبرك كحل غالي الكل العيون...و الأدلة اتضحت إلنه من اليزورون

    كل نبي و كل ملك أصبح...مُغرم بهواها

    ادموعهم تسبيح يصدح...من يهب شذاها

    نورها الما ينحجب...سحر لعيون المحب

    جنة و أحله جنة

     

    اعتنيها بقلب طاهر ويه هالناس...عيش بيها يالتودها بأروع إحساس

    قلت عنها هيه جنة عندي مقياس...بيها قبرك يبو اليمة و قبر عباس

    اليعتنيها بحاجة عنده...تنقضي برواحه

    أبد ما واحد ترده...قلعة السماحه

    و ببجاها ينكتب...سحر لعيون المحب

    جنة و أحله جنة

     

    كربله عز و تسامه بغاية الجود...كل زمن لهل العقيدة حلم منشود

    اليقصد إلها مرة وحدة حتماً يعود...و العشقها قلبه يبقه يخّضر اورود

    يشعر بنشوة و سعادة...من يشم عطرها

    جنة الحب و الشهادة...ما أجل قدرها

    الشمس إلها تنجذب...سحر لعيون المحب

    جنة و أحله جنة

     

    كربله أرض الكرامة و دم الأبتار...كربله نقطة تحول كل الأفكار

    كربله صوت اليواجه حد الأشفار...كربله الخيمة الشريعة الماي و النار

    كل مقاييس الطبيعة...هية خالفتها

    صارت الصورة الرفيعة...بقلبي من شفتها

    نبع سلسال و عذب...سحر لعيون المحب

    جنة و أحله جنة



    موقع القصائد الولائية © 2004 - 2013