» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر كرار حسين الكربلائي
    29/08/2016م - 10:12 ص | عدد القراء: 5628

    البقيع


    حيدرية و الهوية جعفرية جعفرية

     

    عاشق إبدم النحر كاتب ولائي...حقي من أتباهى و أفخر بانتمائي

    شيعي و يغار الجبل من كبريائي...بالنجف عاصمتي و الدم كربلائي

    روحي ساحرها نسيم الكاظمية

     

    إتوقفت أخدم مصابيح الهدايه...أحمد الله و أشكره الهاي الولايه

    حيدري و ماضي بطريقي للنهايه...فاطمي و الفاطمه بجفوفي رايه

    إبدمي تمشي هالمحبه الفاطمية

     

    أمشي ما بين المله رافع جبيني...رافضي و عالذله لا ما تغفه عيني

    لا تلوموني من أقول حسين ديني...إسمع النبض القلب تلقاه حسيني

    من يصلي تربته امن الغاضرية

     

    جعفري و فوق الحجر إسمي نقشته...مذهبي من جعفر الصادق أخذته

    واضح الكل البشر ديني إتبعته...إنت يا دين إتبعت خليها سكته

    إحنه شيعة و نفتخر مو ناصبيه

     

    آنا وردة حب تشمون بعبيري...بمبدأ التكفير ما يقبل ضميري

    إنتوا ما عدكم مثل حيدر أميري...ثابت إبدربه و لا أترك مسيري

    ما أبايع بس علي حامي الحمية

     

    لابد المهدي يجي و يضوينه نوره...ملتقانه إوياكم إبساعة ظهوره

    نقصد الوادي البقيع و نبني سوره...جعفر الصادق مشي امن الطف نزوره

    رايه كلنه إبحضرته نرفع سويه 



    موقع القصائد الولائية © 2004 - 2013