» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبد الخالق المحنّه
    07/10/2016م - 5:31 م | عدد القراء: 25229

    السيد عبد الخالق المحنة


    إجه الموت نزل شايل علم...و لا صوت فقط كلمة نعم

    أنا سيف القدر أنا موت الحمر...ابن حيدر علي يسموني القمر
    أنا و كلمة أنا أسولفها ابفخر...إذا يقبل أخي و لا خلي نفر
    إذا زينب ضمت أجيب إلها بحر...إذا زينب بجت أشق حلق الدهر
    منو قال أجي يم الخيم...و لا صوت فقط كلمة نعم

    صريح بمظهري حسيني حيدري...أنا ابن الشطر غرور العامري
    أبو الغيرة أنا يزينب آمري...فلا توصل إلج جيوش السامري
    فقط سوح الوغه تطيب خاطري...صعب جو الحرب و أشوفه شاعري
    علي قال هله براعي الشيم...و لا صوت فقط كلمة نعم

    أبد ما كو مثل وفائي و خوتي...أنا اشما أرتفع أدنك لخوتي
    أنا خادم لجن جبير ابخدمتي...لبن أمي شرف يغذي شيمتي
    أخو زينب و أظل مثال بغيرتي...لذلك بالزعل تخوف خزرتي
    و لا خاف و لا أرجع قدم...و لا صوت فقط كلمة نعم

    أنا و زينب سوه حجينه يستمر...جنت آني طفل و هية تنتظر
    جنت أصنع علم جنت أبني ستر...تسميني القمر و أقلها أم الخدر
    إذا اختي اجت صرت كلش حذر...إذا مسها الهوه أغار و أعتذر
    ضوه الكون أخنقه ابلا رحم...و لا صوت فقط كلمة نعم

    خيالي اختي خدر حرام الينظره...أميرة لو مشت أصير إلها ثره
    إذا تعبر نهر أصيرن قنطرة...أشوفنها علم يشوفوها مرة
    ايخسه كلمن يظن يمس الطاهرة...على قطع النحر ألزمكم سره
    للحسين صحت كلكم خدم...و لا صوت فقط كلمة نعم

    فقاري بالحرب خليلي و صاحبي...يحيدر يا علي ندائي و مشربي
    شوارب ما تظل إذا رف شاربي...أنا سطرة رفض اعله وجه الناصبي
    أنا حمزة و علي وقف خلفي نبي...كتابي حيدري حسيني مذهبي
    يا هالناس يمين الله هجم...و لا صوت فقط كلمة نعم



    موقع القصائد الولائية © 2004 - 2013