عليل إو بالسلاسل وهن متنه...بحجور ألجل يا ريت متنه
إو مشه الحادي إو للتوديع متنه...گبل منشوف يوم الغاضريه
* * *
إعيوني إمن الدمع والشوف صفّن...وإخيول النوايب علي صفّن
أطب الشام والشمات صفّن...وأهلنه إبكربله ظلت رميه
* * *
صوبني الدهـر سهمه ونابه...وكل ماتم عله إبن أمي ونابه
عليل الطف ينابيني ونابه...يون ظاهر وأنه ونتي خفيه
* * *
عليل وصـاح صوت وجذب ونه...يحادي مخدرات حسين ونه
إلنه إجسوم عالتربان ونه...چفيل إعله النهر جسمه رميه
* * *