» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر كرار حسين الكربلائي
    17/11/2016م - 12:40 ص | عدد القراء: 1345

    الملا باسم الكربلائي


    هذا نعش الرضه...اتوّدعه الرافضه

    شمس الشموس اتغيّب...الليله

     

    سلطان الوجود و عرشه بالإحساس...رحل بس خله حزنه امعاشر الأنفاس

    عليكم لعنة الله يا بني العباس...أسوء أمة أنتم أُخرجت للناس

    من سلالة مُضر...ما تركتم أثر

    و اغدرتوا ثامن كوكب...الليله

     

    كسر ظهر المنابر خبر توديعه...بجه شاطي السلام البحر تشريعه

    الولايه اتيتمت و احتارت الشيعه...قرآن السماء اليوم تشييعه

    دمعة الفاتحه...عالنعش سافحه

    فرض المناحه اتوجب...الليله

     

    الرضا بإسم الرؤوف الوادم اتوصفه...كريم و كل عطايه الناس من جفه

    مات ابغربه يا حيف و ألف وسفه...غريب و جمرته ابكل روح ما تطفه

    ثامن أهل الحجج...جمرته بالمهج

    بحشانه ظلت تلهب...الليله

     

    محرم عالإمام الرضا من ايهل...عليه كل المصايب و الرزايا اتحل

    ينصب مأتم و ناعي الحزن دعبل...اعله جده حسين زمزم مدمعه يهمل

    دمعته هامله...الفاجعة كربله

    مات اعله جده ينحب...الليله

     

    دعبل بالقصيده للرضه يقره...ابعاشور اعله خدها تلطم الزهره

    و آنا اليوم أخبرك الفاجعه الكبره...عمتك قبّلة جدك على نحره

    زينب اعله الهزل...جتفوها ابحبل

    نذكر مصيبة زينب...الليله

     

    تشّيع و بخراسان اندفن جسمه...بس حسين محد ما حضر يمه

    ثلثتيام ظل امخضب ابدمه...آه يحسين و امصابه اشكبر همه

    نبقه طول الدهر...ننحب اعله النحر

    و المهدي قلبه اتعذب...الليله



    موقع القصائد الولائية © 2004 - 2013