» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر ناظم الحاشي
    29/11/2016م - 8:57 م | عدد القراء: 14329

    ملا باسم الكربلائي


    عاد الجرح للجرح...و الراس عاف الرمح

    و اعيون زينب تهل...شافت مكان الذبح

     

    من وصل ضعن السبايه...و رد الحبيب الحبيبه

    شمرة جسدها اعله أخوها...شاف الغريب الغريبة

    شمت اترابه و تقله...يحسين و أعظم مصيبة

    من شفت بعدك رقية...ماتت سبية و سليبة

    يحسين ماتت قهر...من دنقت عالنهر

    مشدودة ايديها بحبل...شافت مكان الذبح

     

    السجاد ناده يجابر...يا عمي داروا علينه

    ما جنه عترة محمد...سبي الأسارة انسبينه

    و حسين أبونه اعله صدره...داست الخيل اللعينة

    عباس فوق الشريعة...قطعوا يساره و يمينه

    زينب أميرة علي...مسبية و بلا ولي

    جم طفلة عدنه و طفل...شافت مكان الذبح

     

    للقمر زينب تعنّت...تشكي الجره و مر عليها

    و اتشوفه سوط الضربها...اشطابع أثر فوق ايديها

    قالت له أختك يكافل...ذلة يزيد بحجيها

    ظلت عزيزة و أبية...ما جن ذليلة ابسبيها

    جا قتلي و الله و نعم...تسوين كل الزلم

    عباس كونك عدل...شافت مكان الذبح

     

    ليلى تنادي الولدها...يا يُّمه وينك يالأكبر

    بعده حلو يمه لونك...لو ذاك لونك تغير

    أقسم عليك ابغربتي...و بصدر أبوك التكسر

    بالحلم خليني أشوفك...لو عني وصلك تعذر

    لا تعتذر يالولد...ما عندي غيرك بعد

    فقدك فلا ينحمل...شافت مكان الذبح

     

    أم الرضيع اعتنت له...عبدالله وينك تصيح

    يا يمه بوك بضريحك...لو انت نمت بضريحه

    يالمنذبح من وريدك...بغيابك أمك ذبيحة

    ماي الأشربه بغيابك...من دمك أشتم له ريحة

    منعوا عليك الهوه...و انذبح بيك الضوه

    ما حسبت تنقتل...شافت مكان الذبح

     

    عالقاسم أسمع تنادي...رملة ابحرارة دمعها

    يا يمه ليلة زفافك...بالموت طفوا شمعها

    من ريحتك ريحة أمك...و القطع راسك قطعها

    مثل الزجية اعله بنها...مكسور بعدك ضلعها

    نورك يشبل الحسن...تحت التراب اندفن

    الجنة عدن مرتحل...شافت مكان الذبح

     

    أصعب و أشد المواقف...ما تنوصف وصفوها

    اسكينه يم الشريعة...مغمي عليها لقوها

    يا عمي بعدك تقله...ترجيتي مني خذوها

    إيدي القبل قبّلتها...و الله ابحبل شبّقوها

    شافت أشكال الظلم...و السوط لاح العظم

    من صعدت اعله الهزل...شافت مكان الذبح

     

    أم وهب قالت لأبنها...شفت المسيح بمنامي

    بيّضتوا وجهي يقلي...عد سيدي وعند إمامي

    أتباهى قمت بدماكم...و ارتفع بيكم مقامي

    قلي له عيسى يشكرك...و الوهب بلغي سلامي

    قلي له ما قصرت...من عالثره اتوذرت

    هذا الفخر مو سهل...شافت مكان الذبح 



    موقع القصائد الولائية © 2004 - 2013