» لولا وجودج عالأرض...ما صارت الدنيه  » سولف إلها...زينب اتغير شكلها...سولف إلها  » مدري اليا مصاب اليوم...تبجي و تنحب الزهره  » نار المصيبة ابعيني...تنزف ألم و اعتاب  » محتاره لمن تودعيني...يا يمه عندمن تخليني  » شيصبر الدمع...يا حيدر  » بين الضلع و الباب...تبدأ مسافاتي  » يبني وينك...يبني وينك يُمه أخذت الروح  » على عتبة يقيني...انطوت صفحة سنيني  » شيعي و بدين الشعائر آمنت  

  
  • أضف الموضوع


  • الشاعر وسام الشويلي
    01/12/2016م - 9:40 م | عدد القراء: 681

    الملا باسم الكربلائي


    زوار...نعتني مشّايه

    زوار...رايه تتبع رايه

    زوار...و الحسين الغايه

     

    درب الزياره هوه درب التقوه...هاي أفئدتنه الدرب أبو الأكبر تهوه

    لو بالدرب عبوه ندوس العبوه...خل تنقطع رجلينه وي كل خطوه

    أفواج...نجي سيل و هادر

    أفواج...مثل يوم العاشر

    أفواج...للمجد حدّايه

     

    بر و بحر و التقصد بطياره...لحسين كلها تهتني زواره

    أعدانه بينه أصبحت محتاره...عجزت تطفي للحسين أنواره

    الله...رايده ايظل عالي

    الله...فرض حب الغالي

    الله...شيعته امواصيه

     

    رجلينه قطعوهن و ايدينه...احسبنه نزحف للحسين اجينه

    أموال و أولاد و نفس فدينه...لحسين و انقول احنه ما وفينه

    منذور...دمنه و انضحي له

    منذور...هالعمر نهدي له

    منذور...إله شّرايه

     

    ندري الزجيه حاضره ويانه...تدعي النه ابكل خطوه من ممشانه

    نتعب اشلون و علي يتلقانه...و المصطفه ابدمع الهله حيّانه

    جبريل...عنده موكب خدمه

    جبريل...و الملائك يمه

    جبريل...للمشي ايخط آيه

     

    كل الملائك و الرسل موجوده...من شدة الزحمه الطرق مسدوده

    عباس هنياله اليقبل ازنوده...جم ملك واقف ضامي يطلب جوده

    عباس...هوه رب الغيره

    عباس...اتموت يمه الحيره

    عباس...قائد الوفّايه



    موقع القصائد الولائية © 2004 - 2013