إبن مسلم لعند الحرب شمر...شباب اولا يخاف الموت مشهر

سبگ للحرب عبد الله إبن مسلم * امنتب من أبوه النفل و الأم
شباب ابن احدا عشر مزراق من سم * تلوه و نفج يقطر موت أحمر

اسم الله اعليه فرع للذوايب * گمر لاچنه ابليل الشعر غايب
حاط الخيل و ادحاها جنايب * او خلاها امروج بس اتموج بالبر

يشع بسام و الميدان مسود * او رجف زانته و الموت يرعد
تنخه او گال ولكم چي الهلحد * لراويكم اليوم الموت لاحمر

إبن هاشم او شبل الليث معلوم * امجرب و الزمط ينعرف هاليوم
طفحها او ذبها على الصمصوم * او رد النبع بالهندي امكسر

حر يخطف الزانات و اتذيه * او من ينصب الكفه الموت يلويه
يجر سيفه او المقدر يشع بيه * او خاف الموت من عنده او كشر

إجاه السهم بس تسمع رعيده * امنيشن قصته ابرميه شديده
شگف عن الوجه و يلاه بيده * سمرها القصته او خلاه يفغر