أبو فاضل تلولح فوگ لشگقر...ليث هاج من شيبه امعير

نزل عباس يتمرضغ بلحسين * يحب ايده او جدم رجليه و العين
تسايل بالمدامع على الخدين * لما حن او بچى احسين او تحسر

صاح احسين يا خويا يعباس * ينور العين يا تاجي على الراس
يخوي انت الدرع و السيف و الطاس * اشلون اتروح و أنا أبقى امحير

يخوي احسين يا زهرة زماني * يخوي نحلت سكنه اعظامي
دخليني أريد الحق عمامي * أريد الثار قلبي دم يفور

يگله او داعة الله يا عيوني * نيتكم اوحيدي تخلوني
ركب و ارزم و گلهم تعرفوني * طليعة حيدر الليث المشكر

تشعشع بالحرب عنده الحرب عيد * سم ابصاجعه او طاحت من ارعيد
يحسب السيف مبسم و النبل غيد * تتماوع او عج الخيل عمبر

عروس الحرب و العباس عريس * ايتبختر بين زفافه ملابيس
نكس او رعب اگلوب المداليس * او طفحها كفو نعمين و اكثر

شمر فوگها او خلا المداريع * ما تعرف رسنها امن المصاريع
تهاوت و اخلعت بين المشاليع * تخف ارواحها امن الموت لحمر

گلب يمنى الحرب من فوگ يسراه * او يسرى الحرب ذبها فوق يمناه
لوى الجنحين فوگ الگلب و الواه * عليهن و العزيز الروح من فر

حرب عباس من صحه او يعرفه * بيده السيف و البيرگ ابچفه
او بيده الصرع و الگربه ابچدفه * مترهي ايتلولح على العسكر

يحاچي النفس يا نفسي تهونين * كل الناس تغدي فدوه لحسين
ألف وسفه يخويه ما لك امعين * تظل بعدي يبو سكنه امحير