على ابن الحسن يا گلبي تفطر...خر او صاح يا عمي المشكر
بس ما سمع حسه شرعبت بيه * چتل چتال جسام او سدر ليه
لگاه ايعالج او يبحث ابرجليه * يلوج ابروحه او دمه ايفور
بچى و نادى يا جاسم اشبيدي * يريد السيف گبلك حز وريدي
هان الكم تخلوني وحيدي * على اخيمي يعمي الخيل تفتر
يعمي اشگالت امن الطبر روحك * يجاسم ما تراويني اجروحك
لو انا أبگى چنت أنوحك * ابگلب مثل الغضى و ابدمع محمر
حط احسين صدره ابصدر جسام * شبك فوگه او شاله يم الخيام
صدره ابصدر عمه او خط بالجدام * بالتربان واحسين ايتعثر
جابه و مدده ما بين اخوته * بچى عندهم يويلي وهم موته
بس ما سمعن النسوان صوته * إجت سكنه تصيح الله أكبر
