إجت سكنه تصيح الله أكبر...يجاسم ليش هالنومه ابهالحر

عسى ابعيد البلاى خدك على الگاع * يجاسم موش وگت الموت هالساع
جاسم يبن عمي لو ان تنباع * ابماي العين ?چنت اشريك يا حر

عساهي ابرگبتك كل الخطيه * تخليني غريبه و اجنبيه
يا جاسم عرس أگشر عليه * عريس ويزفونك امطبر

امبارك بين سبعين ألف جابوك * ابدال الشمع بالنشاب زفوك
عن الحنا بدمع العين حنوك * على راسك املبس نبل ينثر

يجاسم ريت هالطبرات بيه * يجاسم گوم ريت الموت ليه
صدگ رايح يجاسم هاي هيه * تخليني أون الليل واسهر

إجت زينب و دمع العين غدران * او صدت للخيم نادت النسوان
گومن جاي نلطم على الشبان * تهاووا مثل مهوى النجم من خر