طاح الطفل للقاع ايتعفر...او دمه مثل ماي العين فجر
تلگى احسين دم الطفل بيده * اشحال اليچتل ابحضنه وليده
سال و ترس چف من وريده * او دبه للسماء او للقاع ما خر
أويلي من لفت سكنه تنادي * يبويه العطش هالفتت افادي
صدت لن اخوها الطفل غادي * يلولح رگبته او دمه ايفور
يبويه ذاب چبدي او چبدة امه * ديخليني اودعه و شمه
يبويه ليش ما تسجيه دمه * بلچن چبدته تبرد امن الحر
يخويه عون من حبك او شمك * يخويه عون من راواك لمك
لغسلنك يخويه ابفيض دمك * او گبرك بالگلب يا خوي لحفر
گام احسين يمشي يم لنصار * وگف يمهم او چبده امن العطش نار
نده عباس خويه و الدمع فار * يخويه گوم لينا اساع و احضر
