يا شيال راس احسين گصر...ترى گلبي على افراگه تفطر

يشايل راس حامينا او ولينه * ريض خلي اتودعه اسكينه
ليش احسين ساچت من ونينه * گلي تعب يو جرحه تخدر

يا شيال راسه لا تلوحه * او هبط عن بگايا الروس رمحه
خاف ايفوت ريح الهوى ابجرحه * و اصوابه عليه ايگوم يسعر

يا شيال راس احسين سدره * رده الجثته او سده ابگبره
يخايب شفت هذي گبل نجره * ابگفره جثته او راسه امسير

يا شيال نعشه لا توجعه * أخافن تلچم اجروح البضلعه
د ريض لي أريد اسا أودعه * أو هذا افراگنا ما بعد مسدر

يا شيال نعش المات مظلوم * على الشاطي او عن الماي محروم
تحوم اگلوبنا فوگ النعش حوم * أخوي الطاح مثل النجم من خر

يا شيال نعش احسين بهداي * او بالله دحط تابوته على الماي
أريد أو گف و غسلنه ابيمناي * و شوف اصواب گلبه ما اتغير

رفع بعنادها راسه او شاله * او خيب زينب او يتم اطفاله
بس ما شاله او شافوا عياله * إجت سكنه تصيح الله أكبر